ރައީސުލްޖުމްހޫރިއްޔާގެ ރަސްމީ ގެކޮޅު — މުލިއާގެ އިން ފިނޭންސް މިނިސްޓަރު އިބްރާހިމް އަމީރަށް ފޮނުވާފައިވާ ސިޓީއެއް ކަަމަށް ބުނެ މިހާރު ދައުރު ކުރާ ސިޓީއަކީ އަސްލެއް ނެތް — ފޭކު ސިޓީއެއް ކަމަށް ރައީސުލްޖުމްހޫރިއްޔާގެ އޮފީހުން ބުނެފި އެވެ.
ދައުރުވަމުންދާ ސިޓީގައި ބުނެފައި ވަނީ ރައީސް ސޯލިހް ކެމްޕެއިނަށް ކުރައްވާ ދަތުރުފުޅުތަކުގައި ފެނަކަ ކޯޕަރޭޝަންގެ މަސައްކަތްތައް ހަވާލުކުރެވިފައިވާ ކޮންޓްރެކްޓަރުންނަށް ގިނަ އަދަދެއްގެ ފައިސާ ދޫކުރެވިފައި ނުވާކަން ރައީސްގެ ސަމާލު ކަމަށް އައިސްފައިވާ ކަމަށެވެ. އެހެން ކަމުން މި މަސް ފެށުމުގެ ކުރީން 432 މިލިއަން ރުފިޔާ ފެނަކަ ކޯޕަރޭޝަނަށް ހާއްސަ ބަޖެޓްގެ ތެރެއިން ދޫކުރުމަށް ދަންނަވާ ކަމަށެވެ.
އަދި އެ ކުންފުންޏަށް ތިން މަސް ދުވަހަށް އިތުރު 3،000 މުވައްޒިފުން ނެގުމަށް ބޭނުންވާ ބަޖެޓް ދޫކޮށްދޭން ދަންނަވާ ކަމަށެވެ.
އޮގަސްޓް 23 ގައި ފޮނުވި ކަމަށް ބުނާ މި ސިޓީއާ ގުޅިގެން ރައީސް އޮފީހުގެ ތަރުޖަމާން މިއުވާން މުހައްމަދު ވިދާޅުވީ އެއީ އަސްލު ސިޓީއެއް ނޫން ކަމަށެވެ.
advertisement
ކޮމެންޓްސް (0)