މުސްތަޤުބަލުގައި ސިޔާސީ މައިދާނުން ފެނިދާނެކަމަށް ޕްރޮފެސަރު ޙަސަން އުގެއިލް ވިދާޅުވެއްޖެއެވެ.
އުގެއިލް މިކަން ހާމަކުރެއްވީ ރ.މީދޫ ”ޒުވާނުންގެ އުންމީދު“ ޖަމްޢިއްޔާއިން ކްލަބް ހައުސްގައި ބޭއްވި ފޯރަމެއްގައެވެ.
ޤައުމީ ބޮޑެތި މައްސަލަތަކުގައި އަޑުއުފުއްލަވަމުން ގެންދަވާ އުގެއިލް ވިދާޅުވީ ރާއްޖެއިން ބޭރުގައި ހުންނެވި ނަމަވެސް، އޭނާއަކީ ދިވެހިންނާއި ދުރުގައި ހުންނެވި ބޭފުޅެއްނޫން ކަމަށެވެ.
އެ ގޮތުން ބޭރުގައި ހުންނެވިކަމުގައިވިޔަސް، ކުދިންނަށް އުނގަންނައިދެއްވައި، ޖަމްޢިއްޔާ ޖަމާޢަތްތަކަށް ޢިލްމީ ގޮތުން އެހީތެރިކަން ފޯރުކޮށްދެއްވާކަން އުގެއިލް ފާހަގަކުރެއްވިއެވެ. އަދި ޤައުމަށް ކުރިއެރުން އެދިގެން އަބަދުވެސް ޚިދުމަތްކުރައްވާކަން ވެސް ފާހަގަކުރެއްވިއެވެ.
”ކުރިއަށް އޮތް ތަނުގައި ސިޔާސީ މައިދާނުން ފެނިދާނެ.“ އުގެއިލް ވިދާޅުވިއެވެ.
މީގެ އިތުރުން އުގެއިލް ވަނީ ޤައުމު ބިނާކުރުމަށްޓަކައި ތަޢުލީމީ ބޭފުޅުންނަށް ފުރުސަތު ދިނުމުގެ މުހިންމުކަން ފާހަގަކުރައްވާ އެކަމާ ގުޅޭގޮތުންވެސް ވާހަކަފުޅު ދައްކަވާފައެވެ
ކޮމެންޓްސް (0)