ހުޅުދޫގެ މަގުތަކުގައި ތާރު އެޅުމުގެ އަމަލީ މަސައްކަތް ފަށައިފި

ހުޅުދޫގެ މަގުތަކުގައި ތާރު އެޅުމުގެ އަމަލީ މަސައްކަތް ފަށައިފި އެވެ

ހުޅުދޫ މަގުތަކުގައި ތާރުއެޅުމުގެ މަސައްކަތް އިއްޔެ އަމަލީގޮތުން ފަށާފައިވާއިރު އިއްޔެ ތާރުއަޅާފައިވަނީ ހުޅުދޫ އަމީނީމަގުގައި ހުންނަ އިހުރާމުގޭ ކަންމަތިން ފެށިގެންގޮސް ވާރޫގެއާއި ހަމައަށެވެ.

ރައީސް އިބްރާހިމް މުހައްމަދު ސޯލިހްގެ ސަރުކާރުގައި އައްޑޫގެ ރައްޔިތުންނަށް ވެފައިވާ އެންމެ ބޮޑު އެއް ވައުދަކީ އައްޑޫސިޓީގެ މަގުތައް ޒަމާނީ ފެންވަރަކަށް ހެދުމެވެ. އައްޑޫގެ މަގުތައް ހެދުމުގެ މަސައްކަތަކީ އިންޑިއާގެ އެގްޒިމް ބޭންކުގެ 800 މިލިއަން ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުން ހިންގަމުންދާ ބޮޑު މަޝްރޫއެވެ.

މި މަޝްރޫއުގައި ގާތްގަނޑަކަށް 40 ކިލޯ މީޓަރުގެ މަގު ޒަމާނީ ފެންވަރަކަށް ހެދުމާއި މަގު ބައްތި ޖެހުމަށް ވަނީ ރާވައިފައެވެ. އަދި އައްޑޫގެ ހުރިހާ ރަށެއްގައި ސީސީޓީވީ ކެމެރާ ހަރު ކުރުމަށް ހަމަޖެހިފައިވެއެވެ. ތާރުއަޅަން ކަނޑައަޅާފައިވާ މަގުތަކުގެ އިތުރުން ގާތްގަނޑަކަށް 60 ކިލޯމީޓަރުގެ މަގުގައި ސިމެންތި ސްޓެބިލައިޒްޑް ބޭސް ލޭޔާ އެޅުމަށް ވަނީ ހަމަޖައްސައިފައެވެ. އެ ލޭޔާގެ ބޭނުމަކީ ފެން ހިންދާ ނިޒާމުގެ ތެރެއަށް ވެލި އެޅި ދިމާވެދާނެ މައްސަލަތަކުން ރައްކާތެރިވުމެވެ.

ހުޅުދޫ މަގުތައް ރަނގަޅު ފެންވަރެއްގައި ސަރުކާރުން ތަރައްގީ ކޮށްދެއްވާތީ ހުޅުދޫގެ ރައްޔިތުންދަނީ އެކަމުގެ އަގުވަޒަންކޮށް ވަރަށް އުފަލާއެކު ސަރުކާރަށް ޝުކުރުދަންނަވަމުންނެވެ.

ހުޅުމީދޫގެ މަގު ހެދުމުގެ މަސްރޫއުގެ ދަށުން މި މަސައްކަތް ކުރަމުންދަނީ އިންޑިޔާގެ އެފްކޮން އިންއެވެ.