ކުރިއަށްއޮތް 5 އަހަރު އިބޫގެ ވެރިކަމެއް ނިމޭއިރު މިއައްޑޫސިޓީގެ އެއްވެސް މީހަކު ވަޒީފާ ނުލިބިގެން އުޅޭކަށް ނުޖެހޭނެކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާމް ވިދާޅުވެއްޖެވެ.
ރޮޒެއިނާ މިހެން ވިދާޅުވީ ” އުފާވެރި އަމާން ރާއްޖެ” ކެމްޕެއިންގެ ދަށުން ރޭ އެމްޑީޕީ ހުޅުދޫ ޖަގަހައި ބޭއްވުނު ބައްދަލުވުމެއްގައި ވާހަކަފުޅު ދައްކަވަމުންނެވެ. މިބައްދަލުވުމުގައި ވާހަކަފުޅު ދައްކަވަމުން ރޮޒެއިނާ އިތުރަށް ވިދާޅުވީ އައްޑޫސިޓީގައި މިސަރުކާރުން ހިއްކި ބިންތަކުގައި ގެސްޓްހައުސްތައް އެޅި
ރިސޯޓްތައްހެދި ވިޔާފާރިތައް ކުރިއަރައިގެންދިޔައީމާ އައްޑޫސިޓީގައި ވަޒީފާތައްވެސް ހުންނާނެކަމަށެވެ.
” އައްޑޫސިޓީގައި ވިޔަފާރިތަކާއި އިގުތިސާދު ފުޅާވެގެން ދިޔައީމާ މީހުންނަށް ވަޒީފާތައް ލިބޭނެ ، އެކަން ކުރެވޭތޯ ރައީސް ސޯލިހު އެއުޅުއްވަނީ ، އިބޫގެ ސިޔާސަތަކީ ވަށާ ޖެހޭ ސިޔާސަތެއް ، ކުރިއަށްއޮތް 5 އަހަރު އިބޫގެ ވެރިކަމެއް ނިމޭއިރު މިއައްޑޫސިޓީގެ އެއްވެސް މީހަކު ވަޒީފާ ނުލިބިގެން އުޅޭކަށް ނުޖެހޭނެ ، އަދި އެއްވެސް މީހަކު ވަޒީފާ ހޯދަން އާދޭސް ކުރާކަށް ނުޖެހޭނެ . “
ރޮޒެއިނާ ވިދާޅުވިއެވެ.
advertisement
ކޮމެންޓްސް (0)