މި އިންތިހާބު ނިމުމާއެކު މަސައްކަތްތެރިންގެ ހައްގުގައި ފާސްކުރަން ޖެހޭ ބިލުތައް ފާސްކޮށް މި އަހަރު ތެރޭގައި އެއަށް އަމަލުކުރެވޭނެ ގޮތް ހައްދަވާދެއްވާނެ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ބ. ކެންދޫގައި މިއަދު ބޭއްވި ކެމްޕޭން ބައްދަލުވުމުގައި ވާހަކަފުޅު ދައްކަވަމުންރައީސް ވިދާޅުވީ އައިއާރް ބިލާއި، އޮކިއުޕޭޝަނަލް ހެލްތް އެންޑް ސޭފްޓީ ފަދަ މަސައްކަތުގެ މާހައުލުގައި މަސައްކަތް ކުރާއިރު ބޭނުންވާ ރައްކާތެރިކަމާއި މަސައްކަތުގެ ތެރޭގައި އުޅޭއިރު ދިމާވާ ކަންތައްތައް ހައްލުކުރުމުގައި ޓީމެއްގެ ގޮތުގައި އެންމެން އެކުގައި މަސައްކަތް ކުރެވޭނެ ގޮތެއް ގާނޫނީ ގޮތުން ފަހިކޮށްދޭން ޖެހޭ ކަމަށެވެ.
ރައީސް ވިދާޅުވީ މި ބިލުތަކުގެ މަސައްކަތް ރިޔާސީ އިންތިހާބު މިހާ ކައިރިވެފައި އޮއްވާ މަޖިލީހުގައި ކުރިޔަށް ނުގެންދެވިދާނެ ކަމަށާއި، އެހެންނަމަވެސް އިންތިހާބު ނިމުމާއި އެކީގައި އިރާދު ކުރެއްވިއްޔާ މަސައްކަތެރިންގެ ހައްގުގައި ދެން އިތުރަށް ފާސްކުރަންޖެހޭ ބިލުތައް މަޖިލީހުގެ ތެރެއިން ފާސްކޮށް އެކަމަށް އަމަލުކުރެވޭގޮތް މިއަހަރު ތެރޭގައި ހައްދަވައިދެއްވާނެ ކަމަށެވެ.
![](https://voiceofmeedhoo.info/wp-content/uploads/2021/11/sooooo-1.jpg)
advertisement
ކޮމެންޓްސް (0)