މީދޫ ފުޓްސަލް ދަނޑު މަރާމާތު ކުރުމާއިބެހޭ ގޮތުންނާއި މީދޫގައި އަލަށް ތައްޔާރުކުރުމަށް ހަމަޖެހިފައިވާ ޓާފް ދަނޑު އެޅުމާބެހޭގޮތުން ރަށުގެ ޒުވާނުންނާއި މީދޫގެ ކުޅިވަރުގެ ދާއިރާއާއި ހަރަކާތްތެރިވާ ބޭފުޅުން މީދޫ ކައުސިލަރު ސޯލިހާއާއި ބައްދަލުކުރައްވައިފިއެވެ.
މީދޫ އަވަށު އޮފީހުގައި ބޭއްވުނު މިބައްދަލުވުމުގައި ފުޓްސަލް ދަނޑު މަރާމާތުކުރުގެ ކަންތަކާއި މީދޫގައި އަލަށް ތައްޔާރު ކުރުމަށް ހަމަޖެހިފައިވާ ޓާފް ދަނޑުގެ ކަންތަކާއިބެހޭގޮތުންވަނީ ވާހަކަ ދެކެވިފައެވެ
2018 ވަނަ އަހަރުގެ ތެރޭގައި މީދޫގައި ޓާފް ދަނޑެއް އެޅުމަށް ލިބުނު ޓާފް ބޭނުންކޮށްގެން މީދޫގައި އަލަށް އެޅުމަށް ހަމަޖެހިފައިވާ ޓާފް ދަނޑު އެޅުމަށް މިހާރު ހަމަޖެހިފައިވަނީ މީދޫ ބަނދަރު ސަރަހައްދުގައި އޮންނަ ” މީދޫ ކުޅިވަރު އެރީނާ ” ގެ ތެރޭގައެވެ.
މީދޫގައި މިހާރު ބޭނުންކުރަމުންދާ ފުޓްސަލް ދަނޑުގައި މަރާމާތު ކުރަންޖެހިފައިވާ މަސައްކަތްތައް ސިޓީ ކައުންސިލާއި ވާހަކަދައްކައިގެން ވީހާވެސް އަވަހަކަށް ނިންމައިދެވޭތޯ މިބަލަނީ
މީދޫގެ ކައުންސިރު ސޯލިހާ ވިދާޅުވިއެވެ
މީދޫ ކުޅިވަރު އެރީނާގައި މިހާރު ތައްޔާރު ކުރެވިފައިވަނީ ނެޓްބޯޅަ ކޯޓަކާއި ދެ ވޮލީ ކޯޓެވެ. އެހެންނަމަވެސް އެތަނުގައި ތައްޔާރު ކުރެވުނު ވޮލީ ކޯޓްގައި ވޮލީ ކުުޅުނު ކުދީން ދުވަސް ކޮޅަކު ވޮލީ ކުޅުމަށްފަހު އެތަނުގައި ވޮލީ ކުޅުންވަނީ ހުއްޓާލާފައެވެ .
މީދޫ ގައި ވޮލީ ކުޅެމުން އަންނަނީ ކުރީންވެސް މީދޫގައި ވޮލީ ކުޅެމުން އަންނަ އިޖްތިމާއީ މަރުކަޒުގެ ވޮލީ ކޯޓްގައެވެ. އަދި މީގެ އިތުރަށް އެރީނާގައި ތައްޔާރު ކުރެވުނު ނެޓްބޯޅަ ކޯޓްގައި މިދިޔައަހަރުގެ ތެރޭގައި ނެޓްބޯޅަ ކުޅެފައިވިޔަސް ފަހަކަށް އައިސް އެތަނުގައި ނެޓްބޯޅަ ކުޅުމެއް ނޯވެއެވެ
ކޮމެންޓްސް (0)