ސަން ސްޕޯޓްސް އިން އިންތިޒާމް ކޮށްގެން ފޭދޫގައި ފެށި ވޮލީ މުބާރާތް ހުއްޓުމަކަށް އައިސްފިއެވެ. މިމުބާރާތް ހުއްޓުވުމަކަށް އައިސްފައިވަނީ މިމުބާރާތް އިންތިޒާމްކުރާ ސަން ސްޕޯޓްސްއިން މުބާރާތުގައި ބައިވެރިކުރި ޓީމްވޯރިއަސް ގައި މުބާރާތުގެ ގަވާއިދާއި ޚިލާފަށް ކުޅުންތެރިއަކު ހިމަނާފައިވާތީއެވެ.
އެޓީމްގައި މުބާރާތުގެ ގަވާއިދާއި ޚިލާފަށް ހިމަނާފައިވަނީ ގދ. ފަރެސްމާތޮޑާއަށް ނިސްބަތްވާ އަހުމަދު ޝިމާއު ( މާންކޭ ) އެވެ.
ޝިމާއު ޓީމްގައި ހިމަނާފައިވަނީ ގަވާއިދާއި ޚިލާފަށް އެގުނު ހިސާބުން ފެށިގެން މުބާރާތުގައި ބައިވެރިވި ބައެއް ޓީމްތަކުން އެމައްސަލަ އޮގަނައިޒިން ކޮމިޓީއަށް ހުށަހެޅުމުން އޮގަނައިޒިން ކޮމިޓީން ވަނީ މުބާރާތުގެ ގަވާއިދަށް ބަދަލުގެނެސް ޝިމާއުއަށް ކުޅެވޭނެ ގޮތައް މުބާރާތުގެ ގަވާއިދު ބަދަލުކޮށްފައެވެ.
ވޯރިއަސް ޓީމުގައި ހިމެނޭ ޝިމާއުއާއި ބައެއް އެހެން ކުޅުންތެރީން
މިގޮތައް ގަވާއިދަށް ބަދަލުގެނައުމުން ފޭދޫ ވޮލީޓީމާއި މީދޫ ވޮލީޓީމުވަނީ މުބާރާތުން ވަކިވެފައެވެ.
މިދެޓީމް މުބާރާތުން ވަކިވުމާއި ގުޅިގެން ޖޫން 29 ވަނަ ދުވަހުގެރޭ ކުޅުމަށް ހަމަޖެހިފައިވާ މެޗަށް ފޭދޫ ވޮލީޓީމް ހާޒިރުވެފައިނުވެއެވެ. އަދި ޖޫން 30 ވަނަ ދުވަހު ހަވީރު ކުޅުމަށް ހަމަޖެހިފައިވާ ސެމީފައިނަލްގެ ފުރަތަމަމެޗަށް މީދޫ ވޮލީޓީމުންވެސް ހާޒިރު ނުވެއެވެ. އަދި މީގެ އިތުރަށް ޖޫން 30 ވަނަ ދުވަހުގެރޭ ކުޅުމަށް ހަމަޖެއްސި ސެމީފައިނަލްގެ ދެވަނަ މެޗަށް ޕޮލިސް ޓީމް ހާޒިރުވެފައިނުވާތީ މުބާރާތް ހުއްޓުމަކަށް އައިސްފައިވާކަމަށް ބެެލެވެއެވެ.
ކޮމެންޓްސް (0)