އައްޑޫގެ ބިން ހިއްކުމުގެ މަޝްރޫއު ފައްޓަވާ ދެއްވުމަށް ރައީސް ސާލިހު އައްޑޫ ސިޓީއަށް ވަޑައިގަތުމަށް ހަމަޖެހިއްޖެއެވެ. ރައީސް އައްޑޫ ސިޓީއަށް ވަޑައިގަތުމަށް ހަމަޖެހިފައިވަނީ މިމަހުގެ 3 ވަނަ ދުވަހުއެވެ. ރައީސް ސާލިހު އައްޑޫ ސިޓީއަށް ވަޑައިގަތުމަށްފަހު ބިންހިއްކުމުގެ މަޝްރޫޢު އިފްތިތާހު ކުރެއްވުމަށް ހަމަޖެހިފައިވަނީ ޖޫން މަހުގެ 3 ވަނަ ދުވަހު މަރަދޫ ބިން ހިއްކާ ސަރަހައްދު (ބޯޅަ ދަނޑު ސަރައްހަދު) ގައެވެ.
އެއަށްފަހު ރައީސް އައްޑޫ ސިޓީގެ ރައްޔިތުންނާވެސް ބައްދަލު ކުރެއްވުމަށް ވަނީ ހަމަޖެހިފައެވެ. ރައީސް ސާލިހު އައްޑޫ ސިޓީގެ ރައްޔިތުންނާއި ބައްދަލު ކުރެއްވުމަށް ހަމަޖެހިފައިވަނީ ޖޫންމަހުގެ 4 ވަނަ ދުވަހު އެސިޓީގެ ހިތަދޫގެ ސިޓީ ސްކުއަރގައެވެ.
ރައީސް ސާލިހު އައްޑޫ ސިޓީއަށް ވަޑައިގަންނަވާތީ މަރުހަބާ ދެއްނެވުމަށާއި ބިންހިންކުން ފައްޓަވާ ދެއްވުމުގެ އިތުރުން އާންމު ރައްޔިތުންނާ ބައްދަލު ކުރުމަށް ބާއްވާ ހަފްލާއަށް އައްޑޫ ސިޓީގެ އެމްޑީޕީން ވަނީ އާންމު ރައްޔިތުންނަށް ދައުވަތު އަރުވާފައެވެ.
ކޮމެންޓްސް (0)