ހޯޑެއްދޫ ޑްރަގް އޮޕަރޭޝަން: ޖުމްލަ 82 ކިލޯ ޑްރަގް ހޯދައިފި

ފުލުހުން ގދ.އަތޮޅުގައި ހިންގާ މަސްތުވާތަކެތީގެ ބޮޑު އޮޕަރޭޝަނުގެ ތެރެއިން ޖުމްލަ 82 ކިލޯގެ މަސްތުވާތަކެތި ހޯދައިފިއެވެ.

އެކަން ހާމަކުރެއްވީ ކޮމިޝަނަރ އޮފް ޕޮލިސް މުޙައްމަދު ޙަމީދު ކުރެއްވި ޓުވީޓެއްގައެވެ.

Apart from 13 kgs of heroin our teams found buried in G.DH Hoadehdhoo on 27/10, @PoliceMv teams have done commendable work to find 69 kgs of narcotic drugs buried in G.DH Hoadehdhoo and a close by uninhabited island today. Taking it to a total 82 kgs of both meth & heroin. pic.twitter.com/ZZCLL0QxXW

— Mohamed Hameed (@M_Hameedh) November 2, 2022

ސީޕީ ވިދާޅުވީ އަލަށް ހޯދި 69 ކިލޯގެ މަސްތުވާތަކެތި ހޯދީ ހޯޑެއްދުއާއި އެ ސަރަހައްދުގެ ފަޅު ރަށެއްގައި ވަޅުލާފައި ހުއްޓާ ކަމަށެވެ. އެ ތަކެތީގެ ތެރޭގައި ހިމެނެނީ ހެރޮއިންއާއި މެތުކަމަށް އޭނާ ވިދާޅުވިއެވެ.

މި އޮޕަރޭޝަނުގައި ފުރަތަމަ މަސްތުވާތަކެތި ހޯދީ މިދިޔަ މަހުގެ 27 ގައެވެ. އެއީ ހޯޑެއްދޫގައި ވަލުތެރޭގައި ވަޅުލާފައި ހުއްޓައެވެ. އެ ތަކެތީގެ ބަރުދަނުގައި ހުރީ 13 ކިލޯއެވެ.

މި އޮޕަރޭޝަނުގައި ހޯޑެއްދޫން ތިން މީހަކު ހައްޔަރުކުރީ މިދިޔަ އަންގާރަ ދުވަހުގައެވެ. އޭގެތެރެއިން އެކަކު ހައްޔަރުކޮށްގެން ގެންދިޔަ މަގުމަތީގައި ވަނީ ނިޔާވެފައެވެ.

އަނެއް ދެ މީހުންގެ ބަންދަށް ފުރަތަމަ ޖެހި ހަތް ދުވަސް ހަމަވުމުން ގދ.ތިނަދޫ މެޖިސްޓްރޭޓް ކޯޓުން ވަނީ އެ މީހުންގެ ބަންދަށް 10 ދުވަސް އިތުރުކޮށްފައެވެ