އަންނަ ނޮވެމްބަރު މަހު 20 ވަނަ ދުވަހު ފަށާ ދުނިޔޭގެ އެންމެ ބޮޑު ކުޅިވަރު މުބާރާތް ކަމުގައިވާ “ފީފާ ވޯލްޑް ކަޕް ޤަތަރު 2022” މި ފަހަރު މީޑިއާ ނެޓުން ބަލާލެވޭނެ އެވެ.
މީޑިއާނެޓުން ބުނީ ކޮންމެ ހަތަރު އަހަރަކުން އެއް އަހަރު ކުޅޭ މި ފޯރިގަދަ މުބާރާތް ވީހާވެސް ގިނަ ބެލުންތެރިންނަށް
ބެލޭނެ އިންތިޒާމް ހަމަޖެއްސުމުގެ ގޮތުން އެ ކުންފުނިން ވަނީ އައިލެންޑް ކޮމިއުނިކޭޝަންސް އެންޑް އެންޓަޓެއިންމެންޓް ޕްރައިވެޓް
ލިމިޓެޑްގެ (އައިސް ޕްލަސް) އަދި ރާއްޖެ ޓެލެވިޒަން ޕްރައިވެޓް ލިމިޑެޓްގެ (ރާއްޖެ ޓީވީ) އާއި އެކު ޕާޓްނާޝިޕް އެގްރީމެންޓްއެއް ހަދާފަ ކަމަށެވެ.
މީޑިއާނެޓަކީ އައިސް ޓީވީ އަދި ރާއްޖެ ޓީވީން މީޑިއާނެޓްގެ ނެޓްވޯކް ބޭނުންކޮށްގެން ފުރަތަމަ ފަހަރަށް ރާއްޖެ ސަރަހައްދަށް ސައްތައިން ސައްތަ ދިވެހި ޗެނަލް ތަކަކުން މި ފޯރިގަދަ މުބާރާތް ދެއްކުމުގެ ހުއްދަ ދިން ފުރަތަމަ ކުންފުންޏެވެ.
މީޑިއާނެޓުންވަނީ ވިޔަފާރި އުސޫލުން ސްޕޮންސަރ ކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާފަ އެވެ. އެގޮތުން ސްޕޮންސާޝިޕް އާއި ގުޅޭގޮތުން އިތުރު މާއުލޫމާތު ހޯދުމަށް 7783158 އަށް ގުޅަން އެފަރާތުން ވަނީ އެދިފަ އެވެ.
ކޮމެންޓްސް (0)