އިޒްރޭލްގެ ޔަހޫދީން ފަލަސްތީނުގައި ހިފާފައިވާ ބިންތަކުގައި ޔަހޫދީންނަށްޓަކައި އިތުރު ގެތައް އެޅުމަށް އިޒްރޭލްގެ ސަރުކާރުން ނިންމައިފިއެވެ.

ބައިނަލްއަޤްވާމީ މީޑިއާ ރިޕޯޓްތައް ބުނާ ގޮތުގައި އިޒްރޭލްގެ ސަރުކާރުން ވަނީ ހުޅަނގު އައްސޭރީގައި ޔަހޫދީން އާބާދު ކުރުމަށްޓަކައި އެއްހާސް ހައުސިން ޔުނިޓް އެޅުމުގެ ހުއްދަ ދީފައެވެ. މި ނިންމުމާއި ގުޅިގެން ފަލަސްތީނުގެ ފޮރިން މިނިސްޓަރ ރިޔާދު މާލިކީ ވަނީ އިޒްރޭލަށް ވަރަށް ބޮޑަށް ފާޑު ވިދާޅުވެފައެވެ. ރިޔާދު ވިދާޅުވީ، އިޒްރޭލްގެ ސަރުކާރަށް ޤަވައިދާއި ހިލާފް މިފަދަ ނިންމުންތައް ނިންމަން ކެރެނީ، އެމެރިކާއިން އެކަމަށް އެއްބާރުލުން ދޭތީ ކަމަށެވެ.

އަދި ފަލަސްތީނުގެ ބިމުގައި ބޭނުން ކަމެއް ކުރަން އިޒްރޭލް އެއްވެސް ވަރަކަށް ޖެހިލުން ނުވާ ކަމަށްވެސް ރިޔާދު ވަނީ ވިދާޅުވެފައެވެ. ފަލަސްތީނުގެ ފޮރިން މިނިސްޓަރ އިތުރަށް ވިދާޅުވީ، އިޒްރޭލްގެ މި ނިންމުމަކީ ޤުދުސް އަކީ އިޒްރޭލްގެ ވެރި ރަށުގެ ގޮތުގައި ބަލައިގަތުމަށް އެމެރިކާއިން ނިންމި ނިންމުމުގެ ނަތީޖާ ކަމަށެވެ.

ފަލަސްތީނުގެ ހިފާފައިވާ ބިންތަކުގައި ޔަހޫދީންނަށް ގެދޮރު އެޅުމަކީ އިޒްރޭލްގެ ސަރުކާރުން ބައިނަލްއަޤްވާމީ ޤާނޫނުތަކާއި ޚިލާފަށް ކުރަމުން އަންނަ ކަމަށެވެ. އިޒްރޭލުން ވަނީ މިހާތަނަށް ހުޅަނގު އައްސޭރީގައާއި، އިރުމަތީ ޤުދުސްގައި ޔަހޫދިންނަށްޓަކައި އެތައް ސަތޭކަ ގެދޮރު އިމާރާތް ކޮށްފައެވެ. އަދި މި ހައުސިން ޔުނިޓްތަކުގައި 6 ލައްކަ މީހުން ވަޒަންވެރިވެފައިވާ ކަމަށް މީޑިއާ ރިޕޯޓްތައް ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އެމެރިކާގެ އެއްވެސް އެހީއެއް ބަލައިނުގަތުމަށް ފަލަސްތީނުގެ މަދަނީ ޖަމާޢަތްތަކުން ނިންމައިފި

ޤުދުސަކީ އިސްރާއީލުގެ ވެރިރަށްކަމަށް އިސްރާއީލުން ނިންމި ނިންމުން ބަލައިގަތުމަށާއި އިސްރާއީލުގައިވާ އެމެރިކާގެ އެމްބަސީ ޤުދުސަށް ބަދަލުކުރުމަށް ރައީސް ޑޮނަލްޑް ...

އޮޅިގެން ދެވުނު އިންޒާރުން ހަވާއީއަށް ބިރުވެރިކަން!

ޕެސިފިކް ކަނޑުގައި އޮންނަ 1.4 މިލިއަން މީހުންގެ އާބާދީގެ ޖަޒީރާއެއްކަމަށްވާ ހަވާއީއަށް މިދިޔަ ހޮނިހިރުދުވަސް ވެގެންދިޔައީ ބިރުވެރި ދުވަހަކަށެވެ. ...

ނައިޖީރިޔާގައި މިސްކިތެއް ވެއްޓި ބަޔަކު މަރުވެއްޖެ

އެފްރިކާ ބައްރުގެ ހުޅަނގުގައި އޮންނަ ނައިޖީރިޔާގައި މިސްކިތެއްގެ ބައެއް ވެއްޓި ހަތް މީހުން މަރުވެއްޖެއެވެ. މި ހިތާމަވެތި ހާދިސާ ...