އައްޑޫ ސިޓީ މީދޫ ކަޅިބިއްފަރާތު ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން ޖިއޯބޭގް ޖެހުމަށް ކުރީން ހަމަޖެހިފައިވާ ސަރަހައްދަށްވުރެ އިތުރު 30 މީޓަރުގައި ޖިއޯބޭގް ޖެހުމަށް ހަމަޖެހިއްޖެވެ.
މައުލޫމާތު ލިބިފައިވާގޮތުގައި މީދޫ ކަޅިބިއްފަރާތު ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން މަސައްކަތް ފެށީ 210 މީޓަރުގައި ޖިއޯބޭގް ޖެހުމަށެވެ. އެހެންނަމަވެސް އެސަރަހައްދުގެ ގޮޑު ދޮށުން ގިރަމުންދާ ސަރަހައްދު އިތުރަށް ބޮޑުވެފައިވާތީ މީދޫ އަވަށު އޮފީހުން އެކަން ކަމާއިބެހޭ ފަރާތްތަކުގެ ސަމާލުކަމަށް ގެނެސްދިނުމުން އިތުރު 30 މީޓަރުގެ ސަރަހައްދެއްގައި ބޭގް ޖެހުމަށް އެމްޓީސީސީން މިހާރުވަނީ ނިންމާފައެވެ.
މީދޫ ކަޅިބިއްފަރާތު ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތުގެ ބޮޑުބައި ނިމިފައިވާއިރު އެރަށު ގޮނޑުދޮށް ހިމާޔަތް ކުރުމުގެ މަސައްކަތް ކުރަމުންދަނީ އެމްޓީސީސީންނެވެ.
މީދޫ އަކީ ވަރަށް ބޮޑަށް ރަށް ގިރުމުގެ މައްސަލަ ކުރިމަތިވަމުން އަންނަ ރަށެކެވެ.
މިމަސައްކަތް އެމްޓީސީސީން ފަށާފައިވަނީ 3 އެޕްރީލް 2021 ވަނަ ދުވަހުއެވެ.
ކޮމެންޓްސް (0)