ބަންގްލަދޭޝްގެ އެމްޑީ އަލަމްގިރިއާ އެއްކޮށް އެއް ޖިންސުން ގުޅުން ހިންގިކަމަށް ތުހުމަތުކުރެވޭ ރައްޔިތުން މަޖިލީހުގެ ކުރީގެ މެންބަރު މުޙައްމަދު ނަޝީދު (ކާނަލް ނަޝީދު) އަށް ދަޢުވާކުރަން އަދި ނުފޮނުވާކަމަށް ޕްރޮސެކިއުޓާ ޖެނެރަލްގެ އޮފީހުން ބުނެފިއެވެ.
ޕީޖީ އޮފީހުގެ މީޑިއާ އޮފިޝަލު އަޙްމަދު ޝަފީޢު މިރޭ ވިދާޅުވީ ކާނަލް ނަޝީދަށް ދަޢުވާކުރަން އެދި ފުލުހުން ޕީޖީއަށް ފޮނުވާފައިވާކަމަށް ބައެއް ނޫސްތަކުން ރިޕޯޓުކުރި ނަމަވެސް އޭނާއަށް ދަޢުވާކުރުމަށް އެދި އަދި އެ އޮފީހަށް ނުފޮނުވާ ކަމަށެވެ.
އަލަމްގިރިއާ އެއްކޮށް އެއް ޖިންސުން ގުޅުން ހިންގިކަމަށް ތުހުމަތުކުރެވޭ މީހުންގެ ގޮތުގައި މިހާތަނަށް ފާހަގަކުރެވުނީ 38 މީހުންނެވެ. އޭގެތެރޭގައި އެއްވެސް ވަޒީރެއްގެ ވީޑިއޯއެއް ނުވަތަ ފޮޓޯއެއް ނެތް ކަމަށް ކޮމިޝަނާ އޮފް ޕޮލިސް މުޙައްމަދު ޙަމީދު މިއަދު ވަނީ ވިދާޅުވެފައެވެ.
އަދި މައްސަލަތައް ނިމޭ މިންވަރަކުން ޕީޖީއަށް ފޮނުވާނެކަމަށް ވެސް ސީޕީ ޙަމީދު ވަނީ ވިދާޅުވެފައެވެ.
ކޮމެންޓްސް (0)