ނިއުޔޯކް ފެޝަން ވީކްގައި ބޮލީވުޑްގެ ތަރި ސަނީ ލިއޯން އާއި ބޮލީވުޑް އަދި ހޮލީވުޑްގެ މަޝްހޫރު ތަރި ޕްރިޔާންކާ ޗޯޕްރާއާއި ދެ މީހުން އެއްކޮށް ފެނިއްޖެއެވެ.
އެ ފެޝަން އިވެންޓަށް ސަނީ ގޮސްފައި ވަނީ އިންޑިއަން ޑިޒައިނަރ އެއްކަމަށްވާ އަރްޝާނާ ކޮޝާރުގެ ޑިޒައިންކޮށްފައިވާ ހެދުމަކާއެކުގައެވެ. ސަނީ ވެފައި ވަނީ އެ ފަޝަން ޝޯވގެ ރޭމްޕަށް އެރި ފުރަތަމަ އިންޑީއަން އެކްޓްރެސްއަށްވެފައެވެ.
ޕްރިޔަންކާ އާއި ސަނީގެ ބައެއް ފޮޓޯތަކުން ޓްވީޓްކޮށްފައިވާއިރު، ނިއުޔޯކްގައި ވަރަށް މަޖާކޮށްފައިވާކަަމަށް ސަނީގެ ޓްވީޓްއިން ހާމަވެއެވެ.
ސަނީ ވެފައި ވަނީ ޕްރިޔަންކާގެ ވަރަށް ހެޔޮއެދޭ އެކުވެރިއަކަށެވެ. ޕްރިޔަންކާގެ ފުރަތަމަ ހޮލީވުޑްގެ ފިލްމް ބޭވޮޗް ކުޅޭކަމަށް އިއުލާން ކުރުމުން އިންޑިޔާގެ ސެލެބިރިޓިންގެ ތެރެއިން ސަނީ ވެފައި ވަނީ ޕްރިޔަންކާއަށް މަރުހަބާ ކިޔައި އެ ފިލްމްގައި ޕްރިޔްންކާ ފެންނާތީ އުފާވަކަށް ބުނި ފުރަތަމަ ތަރިއަށެވެ.
ޕްރިޔަންކާ މިހާރު ދަނީ ކުއެންޓިކޯގެ ސީޒަން ދޭއް ކުޅެމުންނެވެ.
ކޮމެންޓްސް (0)