މީދޫއާއި ހުޅުދޫގައި ކޮވިޑް-19 ޖެހިފައި ތިބި މީހުންގެ އަދަދު 96 އަކަށް އަރައިފި އެވެ.
އާދިއްތަދުވަހުގެ އިރުއޮއްސި 6:00 އިން ހޯމަ ދުވަހުގެ އިރު އޮއްސި 6:00 އަށް އަލަށް ބައްޔަށް ޕޮޒިޓިވްވީ 17 މީހުންނެވެ. އެއީ މީދުން 15 މީހުންނާއި ހުޅުދުން ދެމީހުންނެވެ.
މީދޫ އަވަށު އޮފީހުން އިއްޔެ ހާމަކޮށްފައިވާގޮތުގައި ކޮވިޑް 19 އަށް ޕޮޒިޓިވި މީހުންތިބި 24 ގެ އެއް މީދުން ކަރަންޓީނު ކުރެވިފައިވާއިރު ޑައިރެކްޓް ކޮންޓެކްޓުންގެ ގޮތުގައި މީހުންތިބި 2 ގެއެއްވެސް ވަނީ ކަރަންޓީނު ކުރެވިފައެވެ.
މީދޫއާއި މި އަތޮޅުގެ ގިނަ ރަށްތަކެއްގައި ކޮވިޑް-19 ހަލުވިކަމާއެކު ފެތުރެމުންދާއިރު ކަމާ ބެހޭ މުވައްސަސާތަކުން އިލްތިމާސްކުރަމުންދަނީ ފަރުދީ ޒިންމާއަދާކޮށް ރައްކާތެރިކަމުގެ ފިޔަވަޅުތައް އަޅައިގެން އުޅުމަށެވެ.
ކޮމެންޓްސް (0)