ޔުނައިޓެޑް ދޫކޮށްލުމަށްފަހު އިބްރާހިމޮވިޗް މޭޖާ ލީގަށް ބަދަލުވަނީ

މެންޗެސްޓާ ޔުނައިޓެޑް ދޫކޮށްލުމަށްފަހު ޒްލަޓަން އިބްރާހިމޮވިޗް އެމެރިކާގެ މޭޖާ ލީގް ސޮކާގެ ކްލަބަކަށް ބަދަލުވާން އުޅޭކަމަށް ރިޕޯޓްތައް ބުނެފި އެވެ.

ޔާހޫ ސްޕޯޓް ޔޫކޭ އިން ބުނީ މި ސީޒަނަށްފަހު ޔުނައިޓެޑާއެކު އިބްރާހިމޮވިޗް ހަދާފައިވާ އެއްބަސްވުން ހަމަވާއިރު، އޭނާ ހޯދުމަށް މޭޖާ ލީގް ސޮކާގެ ކްލަބްތަކުން މަސައްކަތްކުރަމުން އަންނަ ކަމަށެވެ.

ދުނިޔޭގެ ގިނަ ކްލަބްތަކުން ހޯދުމަށް މަސައްކަތްކުރަމުންދާ އިބްރާހިމޮވިޗް ގެންދިއުމަށް ޗައިނީޒް ސުޕާލީގްގެ ކްލަބްތަކުންވެސް އަންނަނީ މަސައްކަތްކުރަމުން ކަމަށް ރިޕޯޓްތައް ބުނެ އެވެ.

އުމުރުން 37 އަހަރުގެ އިބްރާހިމޮވިޗަށް ދިމާވި އަނިޔާއިން ސަލާމަތްވެ، އޭނާ ވަނީ ނޮވެމްބަރު މަހު ކުޅުމުގެ ތެރެއަށް އައިސް މިހާތަނަށް ޔުނައިޓެޑަށް ހަތް މެޗު ކުޅެދީފަ އެވެ.

މަލްމޯ އިން ކެރިޔަރު ފެށި އިބްރާހިމޮވިޗް ވަނީ އަޔެކްސް އާއި ޔުވެންޓަސް އަދި އިންޓަމިލާން ފަދަ ކްލަބްތަކަށް ކުޅެފަ އެވެ. އޭނާ ވިދާލީ ބާސެލޯނާއިންނެވެ.

އިބްރާހިމޮވިޗް ވަނީ ބާސާ އަށް ކުޅުނު 46 މެޗުގައި 22 ލަނޑު ކާމިޔާބުކޮށްފަ އެވެ. އެއަށްފަހު އޭނާ ދެން ބަދަލުވީ އޭސީ މިލާނަށެވެ. އެގޮތުން އޭނާ ވަނީ އޭސީ މިލާނަށް ކުޅުނު 85 މެޗުގައި 56 ލަނޑު ކާމިޔާބުކޮށްފަ އެވެ.

އޭސީ މިލާންގައި ދެ ސީޒަން ހޭދަކުރުމަށްފަހު އިބްރާހިމޮވިޗް ދެން ބަދަލުވީ ޕީއެސްޖީ އަށެވެ. އެގޮތުން އޭނާ ވަނީ އެ ކްލަބަށް ކުޅުނު 180 މެޗުގައި 156 ލަނޑު ކާމިޔާބުކޮށްފަ އެވެ.

އިބްރާހިމޮވިޗް ޔުނައިޓެޑަށް ބަދަލުވީ 2016 ވަނަ އަހަރެވެ. އޭނާ ވަނީ މިހާތަނަށް އެ ކްލަބަށް ކުޅުނު 53 މެޗުގައި 29 ލަނޑު ކާމިޔާބު ކުރުމުގެ އިތުރުން އެ ކްލަބާއެކު މިދިޔަ ސީޒަނުގައި ޔޫރޮޕާ ލީގުވެސް ކާމިޔާބުކޮށްފަ އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޕްލާސްޓިކް މަދު ކުރެވޭނީ އުގޫބާތެއްގެ ގޮތުން ޕްލާސްޓިކް ކޮތަޅުން ނަގާ ޓެކްސް ބޮޑު ކޮށްގެން: ނަޝީދު

ޕްލާސްޓިކް ކޮތަޅުގެ އަގު ހެޔޮކުރުމަށް ތާއީދު ނުކުރައްވާކަމަށް ރައްޔިތުންގެ މަޖިލިހުގެ ރައީސް މުހައްމަދު ނަޝީދު ވިދާޅުވެއްޖެއެވެ. ޕްލާސްޓިކް ކޮތަޅަކުން ...

އަޅުގަޑުގެ ކެތްތެރިކަންވެސް ހިފެހެއްޓޭނީ ވަކި މިންވަރަކަށް- ރައީސް ނަޝީދު

ކޮވިޑް 19 އާއިގުޅިގެން މާލެ ލޮކްޑައުންކޮށްފައިވާއިރު މާލޭގައި ތާށިވެފައިތިބި މީހުން ރަށްރަށަށް ފޮނުވުން ލަސްވަމުންދާތީ އެކަމާ ކެތްތެރިކަން ކޮޅުންލާ ...

ރައީސް އޮފީހުގެ ޗީފް ސްޓްރެޓެޖިސްޓުގެ މަގާމަށް ސ. ހިތަދޫ އާސީނުގޭ ހޫދު އައްޔަން ކުރައްވައިފި

ރައީސް އޮފީހުގެ ޗީފް ކޮމިއުނިކޭޝަންސް ގެ މަގާމަށް އިބްރާހިމް ހޫދު ރައީސް އިބްރާހިމް މުހައްމަދު ސޯލިހް އައްޔަން ކުރައްވައިފި ...