މަހިންދަ ރާޖަޕަކްސަ ފޯ ނޭޝަންސް ކަޕުން ރާއްޖެ ކަަޓައިފިއެވެ.
ސްރީ ލަންކާގައި މިހާރު ކުރިއަށްދާ މިމުބާރާތުން ރާއްޖެ ކެޓީ ކުޅުނު ތިންމެޗުގެ ތެރެއިން އެއްވެސް މެޗަކުން މޮޅު ނުވެ އެވެ.
މިއަދު ސީޝެލްސްއާ ދެކޮޅަށް ރާއްޖެ ކުޅުނު މެޗު ނިމުނީ 0-0 ގެ ނަތީޖާއަކުން އެއްވަރުވެގެންނެވެ. މިމެޗުން މޮޅުވިނަމަ ރާއްޖެ އަށް މުބާރާތުގެ ފައިނަލުގެ ޖާގަ ލިބޭނެ އެވެ
މިމެޗް އެއްވަރުވުމުން 3 މެޗުން ލިބުނު 4 ޕޮއިންޓާއެކު ސީޝެލްސް އިންވަނީ ފައިނަލުގެ ފުރަތަމަ ޖާގަ ކަށަވަރުކޮށްފަ އެވެ. ރާއްޖެ ކުޅުނު ތިން މެޗުން ލިބުނީ 2 ޕޮއިންޓެވެ.
މިމެޗްގައި ރާއްޖޭގެ ޓީމްގެ އަސްހަދު އަލީ (އަޑުބަރޭ) އަށް ވަނީ ބޯޅަ ނެތިސް ސީޝެލްސް ކުޅުންތެރިއަކަށް ފައުލުކުރުމުން ރަތް ކާޑެއް ދައްކައިފަ އެވެ. އަޑުބަރޭއަށް ރަތްކާޑު ދެއްކީ ކުޅެން ނުކުތްތާ މިނިޓެއް ނުވަނީސްއެވެ. އަޑުބަރޭ ކުޅެން އެރީ އަސަދުﷲގެ ބަދަލުގަ އެވެ.
ކޮމެންޓްސް (0)