ޔޫރޯ ފުޓްބޯޅަ މުބާރާތުގައި ވާދަކުރާ ސްޕެއިން ޓީމުގެ ކެޕްޓަން ސާޖިއޯ ބުސްކެޓް ކޮވިޑް-19 އަށް ޕޮޒިޓިވްވެއްޖެއެވެ
ބުސްކެޓްސް ކޮވިޑް 19 އަށް ޕޮޒިޓިވްވުމާ އެކު އެޓީމުން އޭނާއި ކޮންޓެކްޓްވި އެންމެން ވަނީ އެކަހެރި ކޮށްފައެވެ. މީޑިއާ ރިޕޯޓްތައް ބުނާގޮތުން ބުސްކެޓްސްއާ ކޮންޓެކްޓް ވެގެން ސްޕެއިންޓީމުގެ ފަސް ކުޅުންތެރިއަކާއި ދެ އޮފިޝަލަކު ވަނީ އެކަހެރި ކުރެވިފައެވެ.
އަންނަ ހުކުރުދުވަހު ( 11 ޖޫން 2021 ވާ ހުކުރުދުވަހު ) ފެށުމަށް ހަމަޖެހިފައިވާ ޔޫރޯ ފުޓްބޯޅަ މުބާރާތުގެ މެޗްތައް ހަމަޖެހިފައިވާގޮތުން ސްޕެއިން ކުޅެން ޖެހޭ ފުރަތަމަ މެޗް އޮތީ ޖޫން މަހުގެ 14 ވަނަ ދުވަހުއެވެ. އެހެންކަމަށްވުމާއެކު ބުސްކެޓަށް އެމެޗްގައި ކުޅުމުގެ ފުރުސަތު މިހާރުމިވަނީ ވަރަށް ކުޑަވެފައެވެ.
ބުސްކެޓް ކޮވިޑަށް ޕޮޒިޓިވް ވެފައިވާއިރު މިދިޔަ ބުރާސްފަތި ދުވަހުގެރޭ ވަނީ ސްޕެއިނާއި ޕޯޗުގަލް ބައްދަލުކޮށް ކުޅުނު މެޗުގައިވަނީ އޭނާވަނީ ކުޅެފައެވެ. އެކަމަކު އެ މެޗު ކުޅުމުގެ ކުރިން ހުރިހާ ކުޅުންތެރިން ކޮވިޑަށް ޓެސްޓްކުރިއިރު، ބުސްކެޓްސް ވަނީ ނެގެޓިވްވެފައެވެ.
އެކަމަކު އެމެޗަށްފަހު ސްޕެއިންގެ މުޅި ސްކޮޑުގެ ހުރިހާ މެމްބަރުން ޓެސްޓްކުރިއިރު، ޕޮޒިޓިވްވީ ބުސްކެޓްސް އެކަނިއެވެ.
ބުސްކެޓްސް ޕޮޒިޓިވް ވުމާއެކު ސްޕެއިން ސީނިއަރ ޓީމުގެ މިރޭ ލިތުއޭނިއާއާ ދެކޮޅަށް ކުޅެން ހަމަޖެހިފައިވާ އެކުވެރިކަމުގެ މެޗް މިހާރުވަނީ ކެންސަލްކުރެވިފައެވެ.
ކޮމެންޓްސް (0)