ދައުލަތުގެ ވެރިންގެ މުސާރަތައް މި އަހަރުގެ ނިޔަލަށް “ކޮށާލަން” ޖެހޭކަމަށް ޓެންޑަރ ބޯޑުގެ ޗެއަރމަން އިސްމާއިލް ޒަރިޔަންދު ވިދާޅުވެއްޖެއެވެ.
ޒަރިޔަދުން މިހެން ވިދާޅުވެފައިވަނީ އެބޭފުޅާ މިއަދު ކުރެއްވި ޓުވިޓެއްގައެވެ.
، ޓެންޑަރ ބޯޑުގެ މިހާރުގެ ޗެއަރމަން އަދި ރާއްޖޭގެ މާލީ ދާއިރާގައި ގިނަ ދުވަސްތަކެއްގައި ހިދުމަތްކުރައްވާފައިވާ ޒަރިޔަންދުގެ ޓުވިޓާގައ އިތުރަށް ވިދާޅުވީ ފުރަބަންދާއެކު އިގްތިސާދީގޮތުން ގެއްލުންތަކެއް ކުރިމަތިވާނޭކަމަށާ އެހެންކަމުން ބަހަނާ ނުދައްކާ 20،000ރ އަށްވުރެ މަތީ މުސާރަލިބޭ ދައުލަތުގެ ވެރިންގެ މުސާރަތައް މި އަހަރުގެ ނިޔަލަށް “ކޮށާލަން” ޖެހޭކަމަށެވެ .
‘ ބޭރުގެ އެމްބަސީތަކުގައި ބޭރުފައިސާއިން އެލަވަންސް ލިބޭ މީހުން މަދުކޮށް އެމީހުން ރާއްޖެ ގެންނަންޖެހޭ – އަދި އޮފީސްތަކުގެ ޚަރަދުތައް ކުޑަކުރަންޖެހޭ ” ޒަރިޔަންދު ވިދާޅުވިއެވެ.
އަދި މީގެ އިތުރަށް ޒަރިޔަންދުކޮށްފައިވާ އެހެން ޓުވިޓެއްގައި ވިދާޅުވެފައިވަނީ ފުރަބަންދަކީ އިގުތިސާދީ ކެކުޅުމެއްކަމަށާ އޭގެ ސަބަބުން އެންމެ ބޮޑަށް އަސަރުކުރާނީ އަމިއްލަ މީހުންގެ ވަޒީފާއާއި ދުވަހު މަސައްކަތުން ފައިސާ ހޯދަމުން އަންނަ މީހުންނަކަމަށްވެސް ޒަރިޔަންދުވަނީ ވިދާޅުވެފައެވެ. .
ކޮމެންޓްސް (0)