20 އަހަރުން ދަށުގެ ކުޅުންތެރިންނަށް އަމާޒުކޮށްގެން ބޭއްވޭ ” އައްޑޫ ޔޫތު ޗެލެންޖް 2020″ ފުޓްބޯޅަ މުބާރާތުގެ ގުރުއަތުލުން ބާއްވައިފި އެވެ.
މިމުބާރާތުގެ ގުރުއަތުލުމުގެ ރަސްމިއްޔާތު ބާއްވާފައިވަނީ ރޭ މީދޫ ފުޓްސަލް ދަނޑުގައެވެ.
15 ސެޕްޓެމްބަރ 2020 ފެށުމަށް ހަމަޖެހިފައިވާ މި މުބާރާތުގައި ޖުމްލަ 5 ޓީމް ވާދަކުރުމަށް ހަމަޖެހިފައިވާއިރު މިމުބާރާތުގެ ފުރަތަމަ މެޗްގައި ބައްދަލުކުރުމަށް ގުރުއަތުން ހޮވިފައިވަނީ ހުޅުދޫ ޔޫތު ފުޓްބޯޅަ ކުލަބާއި ހިތަދޫ ސްޕޯޓްސްއެވެ.
މިމުބާރާތުގެ މެޗްތައް ކުޅުމަށް ހަމަޖެހިފައިވަނީ މިމުބާރާތުގައި 5 ޓީމް ކޮންމެޓީމެއް ކޮންމެޓީމަކާ ބައްދަލުކުރުމަށްފަހު ޕޮއިންޓްގެ ގޮތުން އެންމެ މޮޅުވާ ދެޓީމް ފައިނަލަށް ހޮވޭ ގޮތަށެވެ.
ފައިނަލްމެޗާއެކު ޖުމްލަ 16 މެޗް ކުޅުމަށް ހަމަޖެހިފައިވާ މިމުބާރާތުގެ މެޗްތައް ކުރިއަށް ގެންދިއުމަށް ހަމަޖެހިފައިވަނީ މީދޫ ފުޓްބޯޅަ ދަނޑުގައެވެ.
ކޮމެންޓްސް (0)