ރައްޔިތުންގެ މަޖިލީހުގެ ގޮނޑި ހުސަވެފައިވަކަމަށް ކުރިން ކަނޑައަޅާފައިވާ ބާރަ ދާއިރާގެ ބައި-އިލެކްޝަން ނުބާއްވަން އިލެކްޝަންސް ކޮމިޝަނުން ނިންމައިފިއެވެ.
އެ ކޮމިޝަނުން ބުނީ ބައި-އިލެކްޝަން މިގޮތަށް ނިންމީ، ސްޕްރީމް ކޯޓުން ވަކިގޮތެއް ކަނޑައަޅަންދެންކަމަށްބުނެއެވެ. ރައްޔިތުންގެ މަޖިލީހުގެ ބަރަ ދާއިރާގެ ބައި-އިލެކްޝަން ބޭއްވުމަށް އިލެކްޝަންސް ކޮމިޝަނުން ކުރިން ނިންމާފައި އޮތްނަމަވެސް މިނިންމުން ބާޠިލްކޮށްފައިފައިވާކަމަށާ، އަދި އެކަން ރައްޔިތުންގެ މަޖިލީހަށާއި، ކަމާބެހޭ ފަރާތްތަކަށް އަންގާނެކަމަށްވެސް އެ ކޮމިޝަނުން ބުނެއެވެ.
ރައްޔިތުންގެ މަޖިލީހުގެ ބާރަ މެންބަރުންގެ ގޮނޑި ގެއްލިފައިވާކަމަށް އިލެކްޝަންސް ކޮމިޝަނުން ކުރިން ނިންމީ، މަޖިލީހުގެ މެންބަރުން އިންތިޚާބުވި ޕާޓީން އެހެން ޕާޓީއަކަށް ބަދަލުވުން ނުވަތަ ޕާޓީން ވަކިކުރުން ނުވަތަ އެހެން ޕާޓީއަކަށް ބަދަލުވެއްޖެނަމަ ގޮނޑި ގެއްލޭނެކަމަށް މިދިޔަ އަހަރުގެ ޖުލައި މަހުގެ ތެރޭގައި ނެރުނު އަމުރަކާގުޅިގެންނެވެ.
ބާރަ މެންބަރުންގެ ގޮނޑި ގެއްލުނުކަމާމެދު އުފެދުނު ޚިޔާލު ތަފާތުވުންތަކާގުޅިގެން މެންބަރުންގެ ފަރާތުން ވަނީ އެ މައްސަލަ ސްޕރީމްކޯޓަށް ހުށަހަޅާފައެވެ. އަދި މިހާރު އެ މައްސަލަ ކޯޓުދަނީ ހިނގަމުންނެވެ.
ކޮމެންޓްސް (0)