ފިތުރު އީދުގެ މުނާސަބާ ފާހަގަކުރުމުގެ ގޮތުން މިމަހުގެ 14 ވަނަ ދުވަހުން 21 ވަނަ ދުވަހަށް ” އައިއެސްއޭ ސްޓްރީޓް ކަޕް 2018 ” ގެ ނަމުގައި މީދޫ ފުޓްސަލް ދަނޑުގައި ބޭއްވި ފުޓްބޯޅަ މުބާރާތުގެ ޗެމްޕިއަކަންކަން ހިރިގާ ހޯދައިފިއެވެ.
ހިރިގާ މިމުބާރާތުގެ ޗެމްޕިއަން ކަން ހޯދީ ފައިނަލްގައި ބްރަދާސް ޔުނައިޓެޑް 4 ލަނޑު 1 ލަނޑުން ދެރަކޮށްފައެވެ.
ފައިނަލްމެޗްގައި ހިރިގާ ޓީމުން ކާމިޔާބުކުރި 4 ލަނޑުގެ ތެރެއިން 2 ލަނޑު ކާމިޔާބުކޮށްދީފައިވަނީ މައުޝޫގެވެ. އެޓީމުގެ އަނެއް ދެލަނޑު ކާމިޔާބުކޮށްދިނީ އިންމައާއި އަޒުހަރެވެ.
ފައިނަލްމެޗްގައި ބްރަދާސް ޔުނައިޓެޑުން ކާމިޔާބުކުރި ހަމައެކަނި ލަނޑު ކާމިޔާބުކޮށްދީފައިވަނީ ސަމީނެވެ.ފައިނަލްމެޗްގެ ކުޅުން ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތު ބޭއްވުނުވެ.
ފައިނަލްމެޗްގެ މޮޅު ކުޅުންތެރިއަކަށް ހޮވުނު މައުޝޫގަށް އިނާމު ހަވާލްކޮށްދެއްވީ އިމާދު ސޯލިހެވެ.
މިމުބާރާތުގެ އެންމެ މޮޅު 4 ކުޅުންތެރީންގެ ގޮތުގައި ހޮވިފައިވަނީ މުހައްމަދު ސަމީނު ، އަލީ ލިރުއާމް ، މުހައްމަދު އިންޝާލް އަދި އަބްދުﷲ އިމްރާނެވެ.
މިމުބާރާތުގެ އެންމެ މޮޅު 4 ކުޅުންތެރީންނަށް ހަނދާނީ ލިއުމާއި ޓްރޮފީ ހަވާލްކޮށްދެއްވީ އައްޝެއިޚް އަބްދުﷲ ހާނީއެވެ.
މިމުބާރާތުގެ އެންމެ ގިނަ ލަނޑުޖެހި ކުޅުންތެރިއަކަށް އަހުމަދު ވިޝާހު ވަސީމު ހޮވިފައިވާއިރު އެންމެ އުއްމީދީ ކުޅުންތެރިއަކަށް ހޮވިފައިވަނީ އަޚުންޓީމުގެ ރަޔަންއެވެ. މިމުބާރާތުގެ ފެއަރޕްލޭ ކުޅުންތެރިއަކަށް ސަހާފް ހޮވިފައިވާއިރު ފެއަރޕްލޭޓީމަކަށް ހޮވިފައިވަނީ އަޚުންޓީމެވެ.
މިމުބާރާތުގެ ޗެމްޕިއަންޓީމަށާ ރަނައަޕްޓީމަށް ހަނދާނީ ލިއުމާއި ޓްރޮފީ ހަވާލްކޮށްދެއްވީ ފައިނަލްމެޗްގެ ޝަރަފްވެރި މެހުމާނު ޑޮކްޓަރ އަބްދުﷲ އަފީފެވެ.
މިމުބާރާތުގައި ރެފްރީކަންކޮށްދެއްވި އަބްދުﷲ ސައީދަށާ ހަސަންދީދީއަށް އަދި އިސްމާއީލްއަށް ހަނދާނީލިއުން ހަވާލްކޮށްދެއްވީ އިމާދު ސޯލިހެވެ.
ކޮމެންޓްސް (0)