މޯލްޑިވިއަން އައިޑަލް ސީޒަން ތިނެއްގެ ގަދަ 9 ބައިވެރިންގެ ހުށައެޅުންތަކަކާއެކު ގާލާ ރައުންޑުގެ ތިންވަނަ ޝޯވ ރޭ ދައްކައިފިއެވެ.
“ގޯލްޑަން އާޓިސްޓް” ގެނަމުގައި ރޭގެ ޝޯވއަށް ޙާއްސަ ތީމެއް ކަނޑައަޅާފައިވާއިރު، ރޭގެ ޝޯވގައިވެސް ބައިވެރިންގެ ފަރާތުން ރީތި ހިތްގައިމު ހުށައެޅުންތަކެއް ވަނީ ފެނިގެންގޮސްފައެވެ.
ރޭ ހުށަހަޅާފައިވަނީ ރާއްޖޭގެ ކުރީގެ މަޝްހޫރު ބައެއް ފަންނާނުންނާއި، މިހާރުވެސް މިދާއިރާގައި މަސައްކަތްކުރާ ބައެއް ފަންނާނުންގެ ބައެއް ލަވަތަކެވެ.
“ގޯލްޑަން” ލަވަތަކެއްގެ ގޮތުގައި ގިނަބައެއްގެ މަޤުބޫލުކަން ލިބިފައިވާ ލަވަތަކާއެކު ރޭގެ ޝޯވް ވެގެންދިޔައީ ބެލުންތެރިންގެ ތަރުޙީބު ބޮޑު ޝޯވް އަކަށެވެ.
އެހެން ޝޯވތަކެކޭ އެއްފަދައިން މި ހަފްތާގެ ޝޯވގައިވެސް ވާދަކުރާ ބައިވެރިންގެ ތެރެއިން ބެލުންތެރިންނަށް އެންމެ ކަމުދާ ބައިވެރިއަކަށް ވޯޓުލުމަށްޓަކާ އެސް.އެމް.އެސް ކުރުމުގެ ފުރުޞަތު ޝޯވ ދެއްކި ވަގުތުން ފެށިގެން މިއަދު ހަވީރު 4 ޖެހުމާއި ހަމައަށް ވަނީ ހުޅުވާލާފައެވެ.
މި ހަފްތާގެ ޝޯވއިން ވަކިވާނެ ބައިވެރިއަކު އިޢުލާންކުރުން އޮންނާނީ މިރޭ ބާއްވާ އެލިމިނޭޝަން ނައިޓުގައެވެ.
ކޮމެންޓްސް (0)