އައްޑޫ ސިޓީގެ ހިތަދޫގައި އިއްޔެ އެމްބިއުލާންސަކާއި ސައިކަލެއް ޖެހި ހިނގި އެކްސިޑެންޓުގައި އަނިޔާވި ޒުވާނާގެ ހާލު ސީރިއަސްވެ އައިސީޔޫގައި ފަރުވާދޭން ފަށައިފިއެވެ.
އިއްޔެ ހިނގި މި އެކްސިޑެންޓުގައި އަނިޔާވެފައިވަނީ 18 އަހަރުގެ ފިރިހެނަކަށެވެ.
އައްޑޫ އިކުއެޓޯރިއަލް ހޮސްޕިޓަލުގެ މީޑިއާ އޮފިސަރު އަޙްމަދު ޝާފީ މިއަދު ވިދާޅުވީ ޒުވާނާގެ ބޮލަށް ލިބުނު އަނިޔާއާ ގުޅިގެން ސިކުނޑިއަށް ލޭ އެޅިފައިވާ ކަމަށެވެ. އޭނާއަށް އިތުރަށް ފަރުވާ ދިނުމަށް މާލެ ފޮނުވައިލުމުގެ މަސައްކަތް ކުރަމުންދާއިރު މާލެ ފޮނުވައިލެވޭނެ ސީދާ ވަގުތެއް ބުނަން ނޭނގޭ ކަމަށް ޝާފީ ވިދާޅުވިއެވެ.
މައުލޫމާތު ލިބިފައިވާ ގޮތުން މި އެކްސިޑެންޓް ހިނގާފައިވަނީ ބާރު ސްޕީޑުގައި ދުއްވާފައިދިޔަ އެމްބިއުލާންސް ގޮސް ސައިކަލުގައި ޖެހިގެންނެވެ. ސައިކަލުގައި އިން މީހާ އެމްބިއުލާންސްގެ ދަށުވިކަމަށް ވެސް މަންޒަރު ދުށް ފަރާތްތަކާ ހަވާލާދީ ރިޕޯޓުތައް ބުނެއެވެ.
ކޮމެންޓްސް (0)