ކޮވިޑް ބަލީގައި ރާޢްޖެއިން 10 އަހަރުގެ ކުޑަކުއްޖަކު ނިޔާވެއްޖެއެވެ. މީ މި ބަލީގައި ރާޢްޖެއިން ކުޑަކުއްޖަކު ނިޔާވި ފުރތަމަ ފަހަރެވެ.
މިކުއްޖާ ނިޔާވެފައިވަނީ ހާލު ބޮޑުވެގެން އައިޖީއެމްއެޗަށް ގެންގޮސް އެމަރޖެންސީގައި ފަރުވާދެމުން ދަނިކޮށެވެ. މައުލޫމާތު ލިބިފައިވާ ގޮތުގައި މި ކުއްޖާ ހޮސްޕިޓަލަށް ގެންދިޔައިރުވެސް ވަނީ ހޭނެތިފައެވެ. މި ކުއްޖާގެ މަރާއި އެކު ރާއްޖެއިން މި ބަލީގައި ނިޔާވި މީހުންގެ އަދަދު 170 އަށް އެރީއެވެ. މި ކުއްޖާގެ އިތުރުން ދެން މިބަލީގައި ރާޢްޖެއިން ނިޔާވެފައިވާ އެންމެ ހައްގު ދިވެއްސަކީ އުމުރުން 30 އަހަރުގެ އަންހެނެކެވެ.
ކޮވިޑްބައލީގައި ވޭތުވެދިޔަ 21 ގަޑިިއިރު ރާއްޖެއިން 9 މީހަކު ވަނީ ނިޔާވެފައެވެ . އިއްޔެ ރާއްޖެއިން އަށް މީހަކު ވަނީ ކޮވިޑްގައި ނިޔާވެފައެވެ.
ކޮވިޑްގައި ބޮޑުވަރުވަނީ ދިފާޢީ ނިޒާމު ބަލިކަށި މީހުންކަމަށް މީގެ ކުރިން ޤަބޫލުކުރެވިފައި އޮތްނަމަވެސް ބަލީގެ އަސްލަށް އަންނަމުންދާ ބަދަލާއެކު ބަލިޖެހޭ ޒުވާނުންނަށް އޮތް ނުރައްކާވެސްވަނީ ބޮޑުވެފައެވެ. ކޯވިޑަށް ޕޮޒިޓިވްވާ މީހުން ބަލިން ރަނގަޅުވުމަށްފަހުވެސް އެތައް މަހެއްވަންދެން އޭގެ އަސަރުތައް ހަށިގަނޑުގައި ދެމިހުރެއެވެ. އޭގެ ސަބަބުން ވަރުބަލިވުމާއި ހަނދާން ނެތުމާއި ނަފްސާނީ މައްސަލަތައް ބޮޑުކަމަށް ސިއްހީ މާހިރުން ވިދާޅުވެއެވެ.
ކޮމެންޓްސް (0)