މީދުން ގޯތި ދިނުމަށް ނިންމާފައިވާ ގޮތާއި މެދު ކަންބޮޑުވުން ތަކެއް ހުރުމާއި ގުޅިގެން މީދޫގެ ރަށްޔިތުންގެ ތެރެއިން ބަޔަކު މީދޫ އަވަށު އޮފިސް ކައިރިއަށް އެއްވެ އިހުތިޖާޖް ކޮށްފިއެވެ.
މިގޮތައް މީދޫ އަވަށު އޮފީސް ކައިރިއަށް ބަޔަކު އެއްވެ އިހުތިޖާޖް ކުރުމާއިގުޅިގެން މީދޫ ކައުންސިލަރު ހިޔާޒުވަނީ އެ އެއްވުމުގައި ބައިވެރިވި މީހުންގެ ތެރެއިން ބައެއް މީހުންނާއި ބައްދަލުކުރައްވާފައެވެ. މީދޫ އަވަށު އޮފީހުގެ މީޓިން ރޫމްގައި ބޭއްވުނު މިބައްދަލުވުމުގައި އިސްކޮށް ހުންނަވައިގެން ގޯތި ދިނުމަށް ޕޮއިންޓް ދީފައިވާ ގޮތާއިމެދު ބޮޑެތި ކަންބޮޑުވުންތަކެއް ހުރިކަމަށް ބުނެ ވާހަކަ ދައްކަވަމުން ގެންގޮސްފައިވަނީ ކުރިއަށްއޮތް ލޯކަލް ކައުންސިލް އިންތިޚާބުގައި މީދޫދާއިރާއަށް ވާދަކުރެއްވުމަށް ހޮވިވަޑައިގެންނެވި ޝޫޒާއާއި ސިޔާސީ ހަރަކާތް ހިންގާ “ނަވާނަވައި” ގްރޫޕްގައި އިސްކޮށް ހަރަކާތްތެރިވެ ވަޑައިގަންނަވާ ސާއިރާއެވެ. އަދި މީގެ އިތުރަށް މިބައްދަލުވުމުގައި ގޯތި ދިނުމަށް ޕޮއިންޓް ދީފައިވާ ގޮތާއިމެދު ވަރަށް ބޮޑެތި ކަންބޮޑުވުންތަކެއް ހުރިކަން ފާހަގަކޮށް އެކަންތައްތަކާއިބެހޭގޮތުން ” އޭއޯނިއުސް ” ގެ ޖާނަލިސްޓް ޚާލިސާ ވެސްވަނީ ވާހަކަ ދައްކަވާފައެވެ.
މިބައްދަލުވުމަށް ހާޒިރުވި މީހުންގެ ޝަކުވާތައް ބައްލަވާ އެޝަކުވާތަކަށް އަންނަ ބުރާސްފަތި ދުވަހުގެ ނިޔަލަށް ޖަވާބެއް ދެއްވާނެކަމަށް ކައުންސިލު ހިޔާޒު ވަނީ ވިދާޅުވެފައެވެ.
ކޮމެންޓްސް (0)