މިހާރު މީދޫގައި ކުރިއަށްދާ “ގައުމު ސްޓްރީޓް ކަޕް 2020” މުބާރާތުގެ 3 ވަނަ ދުވަހު ކުޅުނު މެޗްތަކުގެ ނަތީޖާ:
ޔުނައިޓެޑް ބޯއިސް އަދި މަންތަރަ ޖޫނިއަސް
“ގައުމު ސްޓްރީޓް ކަޕް ” ގައި އިއްޔެ ހަވީރު ކުޅުނު ފުރަތަމަ މެޗުގައި، ބައްދަލުކުރީ ގްރޫޕް ސީގައި ހިމެނޭ ހުޅުދޫ ޔުނައިޓެޑް ބޯއިސް އާއި ހުޅުދޫ މަންތަރަ ޖޫނިއާސްއެވެ. މިމެޗު ނިމުނީ 1 ލަނޑު 1 ލަނޑުން ދެޓީމް އެއްވަރުވެގެންނެވެ.
ދެޓީމްގެ ފަރާތުން ދާދިހަމަހަމަ ކުޅުމެއް ފެނިގެންދިޔަ މިމެޗްގެ ފުރަތަމަ ހާފް ނިމިގެންދިޔައީ އެއްވެސް ޓީމަކަށް ލަނޑެއް ކާމިޔާބުނުކުރެވިއެވެ.
މި މެޗުގެ ދެވަނަ ހާފްގެ 11 ވަނަ މިނިޓްގައި ޔުނައިޓެޑް ބޯއިސްގެ މީސަމް މޫސާ ލަނޑެއް ޖަހާ އެޓީމަށް ލީޑު ހޯދައިދިނެވެ.
އެހެންނަމަވެސް ޔުނައިޓެޑް ބޯއިސްއަށް ދެވަނަ ހާފްގައި 4 ފައުލް ކުރެވިގެން އިތުރަށް ކުރެވޭ ކޮންމެ ފައުލަކަށް އިދިކޮޅުޓީމަށް ޕެނަލްޓީ ލިބޭގޮތައް މުބާރާތުގެ ގަވާއިދު ހަމަޖެހިފައި އޮތުމުން މަންތަރަ ޖޫނިއަސްއަށް ދެވަނަ ހާފްގައި 3 ޕެނަލްޓީ ލިބުނެވެ. އެތިން ޕެނަލްޓީގެ ތެރެއިން 2 ޕެނަލްޓީ ނާކާމިޔާވެގެންދިޔައިރު އެޓީމުގެ އިބްރާހިމް ފާރޫގު ޖެހިޕެނަލްޓީ ކާމިޔާބުކޮށް މެޗްގެ ނަތީޖާ ހަމަހަމަ ވެގެންދިޔައެވެ.
މިމެޗްގެ މެޗުގެ މޮޅު ކުޅުންތެރިއަކަށް ހޮވުނީ ޔުނައިޓެޑް ބޯއިސް މީސަމް އެވެ.
ގަބުރު އެފްސީ އަދި ނޮރިންމަ އެފްސީ
ރޭގެ ދެވަނަ މެޗްގައި ބައްދަލުކުރީ ގްރޫޕް ބީގައި ހިމެނޭ މަރަދޫ ގަބުރު އެފްސީ އާއި މީދޫ ނޮރިންމަ އެފްސީ އެވެ.
މިމެޗް 3 ލަނޑު 0 ލަނޑުން ކާމިޔާބުކުރީ މަރަދޫ ގަބުރު އެފްސީއެވެ.
ގަބުރު އެފްސީގެ ކުޅުންތެރީންގެ ފަރާތުން ތަފާތު މޮޅު ކުޅުމެއް ފެނިގެންދިޔަ މިމެޗްގައި ގަބުރު އެފްސީން ކާމިޔާބުކުރި ފުރަތަމަ ލަނޑު ޖޯޒީނަމްބަރ 77 މިޕްސަން ކާމިޔާބުކޮށްދީފައިވާއިރު އެޓީމުގެ ދެވަނަ ކާމިޔާބުކޮށްދީފައިވަނީ ޖޯޒީނަމްބަރ 4 އަބާންއެވެ. އެޓީމުގެ ތިންވަނަ ލަނޑު ކާމިޔާބުކޮށްދިނީ ޖޯޒީނަމްބަރ 9 ހޫދުއެވެ.
މި މެޗްގެ މޮޅުކުޅުންތެރިއަކަށް ހޮވާފައިވަނި މަރަދޫ ގަބުރު އެފްސީގެ އަހުމަދު އިރުފާނެވެ.
ޗެލެންޖާސް އަދި އެފްސީ ގަންބުރި
ރޭގެ 3 މެޗްގައި ބައްދަކުރީ ގްރޫޕް އޭގައި ހިމެނޭ މީދޫ ޗެލެންޖާސްއާއި މީދޫ އެފްސީ ގަންބުރިއެވެ. މިމެޗް ޗެލެންޖާސް ކާމިޔާބުކުރީ 2 ލަނޑު 1 ލަނޑުންނެވެ.
މިމެޗްގައި ޗެލެންޖާސްއިން ކާމިޔާބުކުރި ފުރަތަމަ ލަނޑު ވިޝޭ ކާމިޔާބުކޮށްދީފައިވާއިރު އެޓީމުގެ 2 ވަނަ ލަނޑު ކާމިޔާބުކޮށްދިނީ އައްސަދުއެވެ. އެފްސީ ގަންބުރިން މިމެޗްގައި ކާމިޔާބުކުރި ލަނޑު ކާމިޔާބުކޮށްދީފައިވަނީ މިރުސާދެވެ.
މިމެޗުން ޗެލެންޖާސް މޮޅުވުމުން އެޓީމަށް 2 މެޗުކުޅެގެން 6 ޕޮއިންޓް ވަނީ ލިބިފައެވެ. މިމެޗުން ދެރަވި ގަންބުރި ޓީމު ރޭ ކުޅުނު މެޗުން ދެރަވެފައިވާތީ އެޓީމަށް ޕޮއިންޓެއް ލިބިފައިނުވެއެވެ.
މި މެޗުގެ މޮޅު ކުޅުންތެރިއަކަށް ހޮވުނީ ޗެލެންޖާސްގެ ވިޝޫއެވެ.
ޗެމްޕިއަންޓީމަކަށް ދިހަހާސްރުފިޔާ ރަނައަޕްޓީމަކަށް ފަސްހާސްރުފިޔާ ދިނުމަށް ހަމަޖެހިފައިވާ މިމުބާރާތުގެ މެޗްތައް ކުރިއަށް ގެންދިއުމަށް ހަމަޖެހިފައިވަނީ 4 ގުރޫޕަކަށް ބަހާލައިގެންނެވެ.
މިމުބާރާތާ ބެހޭގޮތުން ގައުމު އެފްސީގެ އައްޕޯ ބުނީ މިމުބާރާތުގެ މަގުސަދަކީ ފުޓްބޯޅައަށް އޮންނަ ލޯބި ޒުވާނުންގެ ތެރޭގައި އިތުރުކޮށް އެފުރުސަތު ޒުވާނުންނަށް ހޯދައިދިނުން ކަމަށެވެ. އަދި ފުޓްބޯޅައަށް ޒުވާނުން އިތުރަށް އަހުލުވެރިކުރުންކަމަށްވެސް އޭނާ ބުނެފައިވެއެވެ.
“މިމުބާރާތުގެ ސަބަބުން މުބާރާތުގައި ބައިވެރިވާ ޓީމްތަކަކަށް ކުޅެމުންދާ ކުދިންގެ ފިޓްނަސް ރަގަޅުވެ އިތުރު މުބާރާތެއްގައި ކުޅުމަށް ފުރުސަތު އެކުދީންނަށް ލިބިގެންދާނެ . އެހެންކަމުން މުބާރާތުގެ މަޤުސަދު ހާސިލުވާނެ.” އައްޕޯ ބުންޏެވެ.
ކޮމެންޓްސް (0)