ރ. ދުވާފަރުގައި ހޯމް ކަރަންޓީނުގައި ހުރި ތިން މީހަކު ކޮވިޑް 19 އަށް ޕޮޒިޓިވްވުމާއި ގުޅިގެން ޖުލައި 9 ވަނަ ދުވަހުން ފެށިގެން ރ. ދުވާފަރަށް ނުވަތަ ދުވާފަރުން މީދޫއަށް ދަތުރުކުރި ފަރާތްތަކުން ރ. މީދޫ ސިއްޙީ މަރުކަޒަށް އެކަން އެންގުމަށް އެދިއްޖެއެވެ.
ރ. މީދޫ ސިއްޙީ މަރުކަޒުން ނެރެފައިވާ އިޢުލާނެއްގައި ބުނެފައިވަނީ ދުވާފަރަށް ދަތުރުކުރި ނުވަތަ ދުވާފަރުން އައި މީހުންގެ އިތުރުން އެ މުއްދަތުގައި އެ ރަށުން އައި ބަޔަކާއި ބައްދަލުވެފައިވާ ފަރާތްތަކެއް ތިބި ނަމަވެސް އެންގުމަށް އެދޭކަމަށެވެ.
ދުވާފަރުން ޕޮޒިޓިވްވި މީހުން ފުރަތަމަ ނެގި ސާމްޕަލް ނެގެޓިވްވުމާއެކު 9 ޖުލައިގައި ވަނީ ރަސްމީކޮށް ކަރަންޓީނުން ދޫކޮށްލާފައެވެ. އެހެންކަމުން އެމީހުން ބޭރަށް ނިކުމެ އެތައް ބަޔަކާއި ކޮންޓެކްޓް ވެފައިވާނެކަމަށް ބެލެވެއެވެ. އެމީހުން ޕޮޒިޓިވްވެފައިވާކަން އެނގުނީ އެޗް.ޕީ.އޭގެ އެންގުމަށް އިއްޔެ މެންދުރު ދެވަނަ ފަހަރަށް ސާމަޕަލް ނެގުމާއި ގުޅިގެންނެވެ.
ކޮމެންޓްސް (0)