އުމުރުން ދުވަސްވީ 105 މީހެއްގެ ރެންޑަމް ސާމްޕަލް ނަގާފައިވާ ކަމަށާއި އޭގެ ތެރެއިން 99 މީހެއްގެ ނަތީޖާ ނެގެޓިވް ކަމަށް ނޭޝަނަލް އިމަޖެންސީ އޮޕަރޭޝަންސް ސެންޓަރު (އެންއީއޯސީ)ގެ ތަރުޖަމާނު މުހައްމަދު މަބްރޫކު އަބްދުލް އަޒީޒު ވިދާޅުވެއްޖެއެވެ.
އެންއީއޯސީން ރޭ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކު ވިދާޅުވީ އުމުރުން 65 އަހަރުން މަތީގެ މީހުންގެ ތެރެއިން ނެގުނު ރެންޑަމް ސާމްޕަލްގެ ތެރެއިން އެކަކު ޕޮޒިޓިވްވެފައިވާ ކަމަށާއި އޭގެ ތެރެއިން ފަސް ސާމްޕަލްގެ ނަތީޖާ އަދި ނުލިބޭކަމަށް އޭނާ ވިދާޅުވި އެވެ.
އުމުރުން ދުވަސްވީ މީހުންނާއި ދިގު މުއްދަތަށް ބޭސް ކުރަމުން އަންނަ މީހުންނަކީ މި ބަލި ޖެހުުމުގެ ފުރުސަތު ބޮޑު ބަޔަކަށްވާތީ، އުމުރުން ދުވަސްވީ މީހުންގެ އެކްޓިވް ސަވޭލަންސްގެ ތެރެއިން ވަނީ ސާމްޕަލްތައް ނަގަން ފަށައިފައެވެ.
ރާއްޖޭގައި މިހާތަނަށް 1186 މީހަކަށް ވަނީ ކޮވިޑް-19 ޖެހިފަ އެވެ. މީގެ ތެރެއިން 4 މީހަކު މަރުވެފައިވާއިރު 91 މީހަކު ވަނީ ބަލިން ރަނގަޅުވެފަ އެވެ.
ކޮމެންޓްސް (0)