މުދައްރިސުންގެ ދުވަހުގެ މުނާސަބާ ފާހަގަކުރުމުގެ ގޮތުންނާއި 2020 ވަނައަހަރު ހުޅުދޫ ސްކޫލާއި މީދޫ ޝަމްސުއްދީން ސްކޫލްގެ ދަރިވަރުންނާއި ޓީޗަރުން ސ.އަތަޅުމަދަރުސާއަށް ބަދަލުކުރުމަށް ހަމަޖެހިފައިވާތީ، ދެރަށުގެ ސްކޫލް ތަކުގައި މަސައްކަތް ކުރައްވާ މުދައްރިސުންގެ ގުޅުން ބަދަހިކޮށް އެކުވެރިކަން އާލާކުރުމުގެ މަގްސަދުގައި ހުޅުދޫ ސްކޫލުން އިސްނަގައިގެން ބާއްވާ އިންޓަރ ސްކޫލް ނެޓްބޯޅަ މުބާރާތުގެ ފައިނަލަށް ހުޅުދޫ ސްކޫލާއި މީދޫ އަސްރިއްޔާ ދަތުރުކޮށްފިއެވެ.
މިމުބާރާތުގައި ބައިވެރި 5 ސްކޫލްގެ މެދުގައި މެޗްތައް ކުރިއަށް ގެންގޮސްފައިވަނީ ކޮންމެ ސްކޫލަކަށް 2 މެޗް ކުޅެގެން އެންމެގިނަ ޕޮއިންޓް ހޯދާ ދެސްކޫލް ފައިނަލަށް ހޮވޭގޮތަށެވެ.
މިގޮތުން ހުޅުދޫ ސްކޫލް ކުޅުނު ދެމެޗުން 6 ޕޮއިންޓް ހޯދައިގެން ފައިނަލަށް ހޮވިފައިވާއިރު އަސްރިއްޔާ ޕްރީ ސްކޫލްވެސް ފައިނަލަށް ހޮވުނީވެސް އެޓީމް ކުޅުނު 2 މެޗުން މޮޅުވެ 6 ޕޮއިންޓް ހޯދައިގެންނެވެ.
ޓީޗަރުންނާއި ބެލެނިވެރީންގެ ތެރެއިން ޓީމްތައް ނަގައިގެން ހުޅުދޫ ޑީކޭ ދަނޑުގައި ކުރިއަށް ގެންދާ މިމުބާރާތުގެ ފައިނަލްމެޗްގެ ބޭއްވުމަށް ހަމަޖެހިފައިވަނީ މާދަމާ ހަވީރު 4:00 ގައެވެ.
ކޮމެންޓްސް (0)