ހުޅުދޫގައި މިރޭ ހިންގި މާރާމާރީއެއްގައި ޒުވާނެއްގެ ބޯ ފަޅާލައިފި އެވެ.
މިރޭ ގާތްގަނޑަކަށް 7:30 ހާއިރު ހިނގި މި މާރާމާރީއާބެހޭ މާ ބޮޑު ތަފްސީލެއް އަދި ލިބިފައެއް ނުވެއެވެ. އެހެން ނަމަވެސް މިމާރާމާރީގައި ޒަޚަމްވެގެން ހުޅުމީދޫ ސިއްހީމަރުކަޒުގައި ފަރުވާދެމުންދަނީ ކެނެރީފް ރިސޯޓްގެ ގެސްޓްރިލޭޝަން އެގްޒެކެޓިވް މަގާމުގައި ވަޒީފާ އަދާކުރަމުންދާ ފޭދޫ ޒުވާނެއްކަމަށްވާ އަހުމަދު ފާއިޒްއަށެވެ.
މިމާރާމާރީ ހިންގި މީހުން އަހުމަދުގެ ފާއިޒްގެ ބޮލަށް ހަމަލާދީ ބޯ ދެތަނަކުން ފަޅާލާފައިވާއިރު މިމާރާމާރީއާ ގުޅިގެން އަދި މިހާތަނަށް މީހަކު ހައްޔަރު ނުކުރިކަމުގައިވިޔަސް މިމައްސަލަ ހުޅުމީދޫ ޕޮލިސް ސްޓޭޝަނުންދަނީ ތަހުގީގުކޮށް މިމާރާމާރީ ހިންގި މީހުން ހޯދުމަށް މަސައްކަތްކުރަމުންނެވެ.
މިރޭ ހިނގި މާރާމާރީ ހިންގާފައިވަނީ މިއަދު ހަވީރު މީދޫ ފުޓްބޯޅަ ދަނޑުގައި ކުޅެވުނު ފުޓްބޯޅަ މެޗްގައި ކުޅެން އައި ފޭދޫ ސްކޫލްގެ ޓީމްގެ ކުޅުންތެރީން މީދޫ ދަނޑުގައި ކުޅުނު މެޗްބަލަން އަހުމަދު ފާއިޒް މީދުއަށް ގޮސް މެޗް ނިމުމުން ފޭދޫ ސްކޫލްގެ ކުޅުންތެރީން މެދު ބަނދަރުން ފުރުވާލުމަށްފަހު އޭނަގެ ރަހުމަތްތެރިއަކާއެކު ކެނެރީފް ރިސޯޓަށްދާންސައިކަލުގައި ދަނިކޮށް ކެނެރީފްއަށްދާން އޮންނަ މަގުން ފްލެޓްތައްކައިރީގައި ފިލާތިބި ބަޔަކު ކުށްލިގޮތަކަށް ނިކުމެ ހަމަލާދީގެންކަމަށް މައުލޫމާތު ލިބިފައިވެއެވެ.
ކޮމެންޓްސް (0)