ޕީއެސްޖީ ދޫކޮށްލަން ބޭނުންވެފައިހުރި ތައްޔާރުވެއްޖެވެ.
މީގެ ދެއަހަރުކުރީން ދުނިޔޭގެ ރެކޯޑްފީއެއްކަމަށްވާ 222 މިލިއަން ޕައުންޑަށް ބާސެލޯނާދޫކޮށްލި ފޯވާޑް އަލުން އެކްލަބަށް މިއަހަރު ގެންދެވެންއޮތް ހަމައެކަނި ގޮތަކީ ލޯނުއުސޫލުން އޭނާ ދޫކޮށްލުމެވެ. އެއީ ޕީއެސްޖީން ނޭމާ ވިއްކާލަން ކިޔާ އަގުކަމަށްވާ 190 މިލިއަން ޑޮލަރު ބާސެލޯނާއަށް ދެވެން ނެތުމުންނެވެ. ސަބަބަކީ އެފަދަ ބޮޑު އަދަދެއް ހޭދަކޮށްފިނަމަ ބާސެލޯނާއަށް ފައިނޭޝަލް ފެއަރޕްލޭއާ ޚިލާފްވިކަމުގެ އަދަބެއް އައުންގާތްކަމެއްކަމަށް ލަފާ ކުރެވޭތީއެވެ.
ފްރާންސްގެ ބައެއް މީޑިއާތަކުން ހާމަކޮށްފައިވާގޮތުގައި ބާސެލޯނާއަށް ނޭމާ ދޫކޮށްލުމަށްވުރެބޮޑަށް ޕީއެސްޖީން ބޮޑަށް ބޭނުންވަނީ ރެއާލްމެޑްރިޑަށް ނޫނީ ޔުވެންޓާސްއަށް އޭނާ ދޫކޮށްލުމަށެވެ. ސަބަބަކީ އެދެކްލަބުން ދޭންބުނާ ފައިސާގެ އަދަދު ބާސެލޯނާއަށްވުރެ އިތުރުވުމެވެ. ނަމަވެސް ޕީއެސްޖީއާއެކު ނޭމާ ހަދާފައިވާ ކޮންޓެކްޓްގައި ބާކީ 3 އަހަރު އޮތްއިރު ކްލަބް ބަދަލުކުރެވެނީ ކުޅުންތެރިޔާގެވެސް ރުހުމުގައެވެ.
