މާލޭ ގެއެއްގެ ތެރޭގައި މަރުވެފައި އޮއްވާ ފެނުނީ ޓީސީ ސްޕޯޓްސް ކްލަބަށް ކުޅުނު އިބްރާހިމް ރިޒުވާން (ބަގޭ) ކަން އެނގިއްޖެއެވެ.
މައުލޫމާތު ލިބިފައިވާ ގޮތުގައި އިބްރާހިމް ރިޒުވާން މަރުވެފައި އޮއްވާ ފެނުނީ މައްޗަންގޮޅި ކުދިރަތްމާ ގޯޅި ތެރޭގައި ހުރި ގެއަކުންނެވެ.
ފުލުހުން ބުނީ، މަރުވެފައިވާ މީހެއްގެ ހަށިގަނޑު އެމްބިއުލާންސްގައި އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދާކަމުގެ މައުލޫމާތު އާދީއްތަ ދުވަހު ހެނދުނު ލިބިފައިވާ ކަމަށެވެ. އަދި އޭނާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ވެސް ފުލުހުން ބުނެއެވެ.
ފުލުހުން އިތުރަށް ބުނީ، މަރުވެފައިވަނީ އުމުރުން 33 އަހަރުގެ ދިވެހި ފިރިހެނެއް ކަމަށާއި، އޭނާގެ މަރާ ގުޅިގެން ބަލަން ޖެހޭ ކަންކަން ބެލުމަށް ހަރަކާތްތެރިވަމުން އަންނަ ކަމަށެވެ.
މީގެކުރިން ވިކްޓްރީ ސްޕޯޓްސް ކްލަބް އަދި އޯލް ޔޫތު ލިންކޭޖް (އޭވައިއެލް) އަށް ކުޅެފައިވާ އިބްރާހިމް ރިޒުވާން އެންމެ ފަހުން ފެނިގެންދިޔައީ ވެލެންސިއާއިން މިދިޔަ ސީޒަނުގައެވެ. ވެލެންސިއާ ރެލިގޭޓްވިފަހުން އޭނާ ފުރަތަމަ ޑިވިޝަންގެ ކްލަބަކުން ފެނިފައެއް ނުވެއެވެ.
އިބްރާހިމް ރިޒުވާން ކުއްލި މަރާއެކު، ފުޓުބޯޅަ އާއިލާގެ ފަރާތްތަކުން އަންނަނީ އޭނާގެ ހަނދާންތައް އާކުރަމުންނެވެ.
މަސަދަރު: ރާއްޖެ އެމްވީ
ކޮމެންޓްސް (0)