މަމެން އައްޑޫ އިންޓަރ ސްކޫލް ފުޓްބޯޅަ މުބާރާތުގެ 12 އަހަރުން ދަށުގެ އުމުރުފުރާގައި މަރަދޫ ސްކޫލާއި ހުޅުދޫ ސްކޫލް ބައްދަލުކޮށް ކުޅުނުމެޗް މާއިޒްގެ ހެޓްރިކާއެކު ތަފާތު ބޮޑު ނަތީޖާއަކުން ހުޅުދޫސްކޫލް ކާމިޔާބުކޮށްފިއެވެ.
ހިތަދޫ ޒޯން ސްޓޭޑިއަމްގެ ދަނޑުގައި މިއަދު ހަވީރު ކުޅެވުނު މިމެޗް ހުޅުދޫ ސްކޫލްޓީމް ކާމިޔާބުކުރީ 5 ލަނޑު 1 ލަނޑުގެ ބޮޑު ތަފާތަކުންނެވެ.
މިމެޗްގައި ހުޅުދޫ ސްކޫލުން ކާމިޔާބުކުރި 5 ލަނޑުގެ ތެރެއިން މާއިޒް މުޖުތަބާ 3 ލަނޑު ކާމިޔާބުކޮށް ހެޓްރިކް ހަދާފައިވާއިރު އެޓީމުގެ އަނެއް ދެލަނޑު ކާމިޔާބުކޮށްދީފައިވަނީ އަލީ ޒަޔާން މުހައްމަދު ނާސިރުއާއި އައިކް އަހުމަދު ޝަންވީލެވެ.
މިމެޗްގައި މަރަދޫ ސްކޫލުން ކާމިޔާބުކުރި ހަމައެކަނި ލަނޑު އެޓީމަށް ކާމިޔާބުކޮށްދީފައިވަނީ މުހައްމަދު ހައްޔުއެވެ.
މިމެޗުން ހުޅުދޫ ސްކޫލް މޮޅުވުމުން އެޓީމު މިމުބާރާތުގައި ކުޅުނު 3 މެޗްގެ ތެރެއިން 2 މެޗުން މޮޅުވެ 1 އެއްމެޗުން އެއްވަރުވެ އެޓީމަށްވަނީ 7 ޕޮއިންޓް ލިބިފައެވެ.
ކޮމެންޓްސް (0)