މީދޫދާއިރާއާއި މަރަދޫފޭދޫ ދާއިރާ ވަކިކޮށްދިނުމަށްއެދި ހުށަހެޅި މައްސަލަ ހައިކޯޓުން ބޭރުކޮށްލައިފި

Advertisement
Advertisement

މީދޫދާއިރާއާއި މަރަދޫފޭދޫ ދާއިރާ ދެދާއިރާއެއްގެ ގޮތުގައި ވަކިކޮށްދެއްވުމަށްއެދި ހައިކޯޓަށް ހުށަހެޅި މައްސަލަ އެކޯޓުން ނުބެލޭނެކަމަށް ކަނޑައަޅާ މައްސަލަ ބޭރުކޮށްލައިފިއެވެ.

އަންނަ އެޕްރީލްމަހުގެ 4 ވަނަ ދުވަހު ބާއްވާ މަޖިލިސް އިންތިޚާބުގައި މަރަދޫ ފޭދޫ ދާއިރާއާއި މީދޫ ދާއިރާ އެއްކޮށްލަން އިލެކްޝަން ކޮމިޝަނުން ނިންމި ނިންމުން ބާޠިލްކޮށްދެއްވުމަށް ހައިކޯޓަށް ހުށަހެޅުއްވީ ކުރީގެ ބަންޑާރަ ނާއިބު ހުސްނުއްސޫދުއާއި މަރަދޫފޭދޫ ފައިވްރޯސް މުމްތާޒު އަލީގެ ފަރާތުންނެވެ.

އެ މައްސަލާގައި އެދިފައިވަނީ މަރަދޫފޭދޫ ދާއިރާ ވަކިކޮށްދެއްވުމަށެވެ. މިމައްސަލާގައި ހައިކޯޓުން ނިންމި ނިންމުގައި ބުނެފައިވަނީ ކޯޓްތަކުގެ ގާނޫންގެ 37 ވަނަ މާއްދާއާއި ހައިކޯޓްގެ ގަވާއިދުގެ 25 ވަނަ މާއްދާއަށް ރިޔާޔަތްކުރާއިރު އެމައްސަލަ ބެލުމުގެ އިހުތިސާސް ހައިކޯޓަށް ލިބިގެންވާކަމަށް ނުފެންނަކަމަށެވެ.

މިގޮތައް ނިންމާފައިވަނީ މިމައްސަލަ ބެއްލެވި 3 ފަޑިޔާރުންގެ އިއްތިފާގުންނެވެ.

ކޯޓްތަކުގެ ގާނޫންގެ 37 ވަނަ މާއްދާގައިވާގޮތުން ފުރަތަމަ މަރުހަލާގައި ހައިކޯޓަށް ބެލޭނީ ދެބާވަތެއްގެ ދުސްތޫރީ މައްސަލައެވެ. އޭއީ ގާނޫނެއް ނުވަތަ ގާނޫނެއްގެ ބައެއް ގާނޫންއަސާސީއާއި ތައާރަޒްވާކަމަށް ބަޔާންކޮށް ހުށަހަޅާ މައްސަލަތަކާއި ގާނޫންތަކުން ބާރުލިބިގެންހަދާފައިވާ ގަވާއިދެއް ނުވަތަ އެގަވާއިދެއްގެ ބައެއް ގާނޫން އަސާސީތަކާއި ނުވަތަ ގާނޫންތަކާއި ތައާރަޒްވާކަމަށް ބަޔާންކޮށް ހުށަހަޅާ މައްސަލަތަކެވެ.

މިމައްސަލަ ނުބެލޭނެކަމަށް ހައިކޯޓުން ކަނޑައެޅިއިރު މީގެކުރީން ހައިކޯޓްގައި މިމައްސަލައާއި ގުޅިގެން ތާވަލްކުރެވުނު އަޑުއެހުމަށް ދައުވާކުރާ ފަރާތުން ހާޒިރު ނުވުމުން އެމައްސަލާގެ ދައުވާގެ ފޯމް ބާޠިލްކޮށް ހައިކޯޓުންވަނީ މައްސަލަ ބޭރުކޮށްލާފައެވެ.

އެމައްސަލަ ކޯޓުން ބޭރުކޮށްލިއިރު އެމައްސަލަ ކުރިއަށް ނުގެންދެވޭނެކަމަށްބުނެ އީސީންވަނީ އިޖުރާއީ ނުކުތާތަކެއް ނަގާފައެވެ. އިޖުރާއީ ނުކުތާތަކާއި ގުޅިގެން ހައިކޯޓުގެ ފަޑިޔާރުންގެ ބެންޗުން ނިންމާފައިވަނީ ކޯޓްތަކުގެ ގާނޫނާއި ހައިކޯޓްގެ ގަވާއިދުތަކުގެ ތެރޭގައި ހިމެނޭ ދުސްތޫރީ މައްސަލައަކަށް ނުވާތީ މައުޟޫއީގޮތުން ގޮތެއް ކަނޑައަޅަން ޖެހޭކަމަށް ފަޑިޔާރުންނަށް ނުފެންނަކަމަށެވެ.

ހައިކޯޓުން މައްސަލަ ބޭރުކޮށްލާފައިވީނަމަވެސް އެމައްސަލައަކީ ގާނޫން އަސާސީގެ 172 ވަނަ މާއްދާގެ “ހ ” ގެ ދަށުން އެކޯޓަށް ބެލޭނެ މައްސަލައެއްކަމަށް ގަބޫލްކުރައްވާކަމަށް ދައުވާހުށަހެޅި ފަރާތުގެ ވަކީލު މަރިޔަމް ޝުނާނާވަނީ ވިދާޅުވެފައެވެ.

އެމާއްދާގައި ބުނެފައިވަނީ ކޮންމެ އިންތިޚާބަކަށް ނުވަތަ ރަށްޔިތުންގެ ޚިޔާލް ހޯދުމަށް ކޮންމެ އާއްމު ވޯޓަކާ ގުޅޭގޮތުން އީސީގެ ނިންމުމަކާމެދު ނުވަތަ އިންތިޚާބެއްގެ ނަތީޖާއަކާމެދު ނުވަތަ އިންތިޚާބާބެހޭކަމެއްގައި ގާނޫނާ ގަވާއިދާއި ޚިލާފަށް ހިގާފައިވާކަމަށް އެފަރާތަކުން ގަބޫލްކުރާކަމަކާމެދު ޝައްކެތް އޮތްނަމަ އެޝައްކުވާކަމަކާމެދު  ގޮތެއް ނިންމައި ދިނުމަށް އެދި އެފަރާތަކުން ހައިކޯޓަށް ހުށަހެޅިދާނެކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ހުޅުދޫ ބަނދަރުގެ މަސައްކަތް ނިމެނީ

އައްޑޫ ސިޓީ ހުޅުދޫގައި އަލަށް ތައްޔާރު ކުރަމުންދާ  ބަނދަރު ތަރައްޤީ ކުރުމަށް ކުރަމުންދާ މަޝްރޫޢުގެ 91 ޕަސެންޓް މަސައްކަތް ...

ޔާމީންގޭ ބަންދުގެ އިޤުރާރާއި ޚިލާފްވެއްޖެ، ފިޔަވަޅު އަޅާނަން: ކަރެކްޝަން

ކުރީގެ ރައީސް އަބްދުﷲ ޔާމީން ގެއަށް ބަލުކުރިއިރު ވެފައިވާ އިޤުރާރާއި ޚިލާފްވެފައިވާ ކަމަށާއި، ކަރެކްޝަނުން އެކަމުގައި ފިޔަވަޅު އަޅާނެކަމަށް ...

އަންހެނުންގެ ޝަރަފާއި، ބާރުވެރިކަން މިދައުރުގައި ވަނީ ކަށަވަރު ކޮށްދެއްވާފައި: ރޮޒޭނާ

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ވެރިކަމުގެ މިދައުރަކީ ދިވެހި އަންހެން ކަނބަލުންނަށް އެކަނބަލުންގެ ހައްގު ޝަރަފާއި، ބާރުވެރިކަން ކަށަވަރުވެގެން ...