ގަންބުރި ޗެލެންޖް 2018- ޗެމްޕިއަންކަން ހޯދީ ޓޫބްރަދާސް

ގަންބުރި ޗެލެންޖް 2018 ފުޓްބޯޅަ މުބާރާތުގެ ފައިނަލުގައި ފަރުހާދު ކާމިޔާބުކޮށްދިން ދެ ލަނޑުން ޕޮލިސްޓީމު ބަލިކޮށް ޓޫބްރަދާސް  މިމުބާރާތުގެ ޗެމްޕިއަންކަން ހޯދައިފި އެވެ.

މީދޫ ފުޓްބޯޅަ ދަނޑުގައި މިމަހުގެ 28 ވަނަ ދުވަހު ކުޅެވުނު ފައިނަލް މެޗުގެ ފުރަތަމަ ހާފްގައި ޕޮލިސްޓީމުގެ ފަރާތުން އާދައިގެ ކުޅުމެއް ފެނިގެންގޮސްފައިވާއިރު  ފުރަތަމަ ހާފް ނިމުމުގެ ކުރީން ޓޫބްރަދާސްއިންވަނީ 2 ލަނޑު ޖަހާ ކުރިހޯދާފައެވެ. ޓޫ ބްރަދާސްގެ މިދެލަނޑުވެސް ކާމިޔާބުކޮށްދިނީ ފަރުހާދެވެ.

ފުރަތަމަހާފާއި ޚިލާފަށް ދެވަނަ ހާފްގައި ޕޮލިސްޓީމުން ކުޅުން ރަގަޅުކޮށް ލަނޑު ތަކެއް ޖެހޭތޯ އެޓީމުގެެ ކުޅުންތެރީން މަސައްކަތް ކުރަމުން ގޮސްފައިވެއެވެ. މިގޮތުން ޕޮލިސްޓީމުން މިމެޗްގައި ކާމިޔާބުކުރި ހަމަ އެކަނި ލަނޑު ކާމިޔާބުކުރެވިފައިވަނީ ދެވަނަ ހާފްގެ ކުޅުމުގައެވެ. މިލަނޑު އެޓީމަށް ކާމިޔާބުކޮށްދީފައިވަނީ ރައްޕީއެވެ.

ރެފްރީންގެ ނިންމުންތަކާއި މެދު ވަރަށްބޮޑަށް ހިތްހަމަ ނުޖެހުން ފާޅުކުރަމުންދިޔަ ޕޮލިސްޓީމުގެ ކުޅުންތެރީންނަށް މިމެޗްގެ ފުރިހަމަ ވަގުތު ހަމަވެގެން ދިޔައިރުވެސް އިތުރު ލަނޑެއް ކާމިޔާބުނުކުރެވި މެޗް ނިމިގެންގޮސްފައިވަނީ 2 ލަނޑު 1 ލަނޑުން ޓޫ ބްރަދާސް މޮޅުވެގެންނެވެ.

ފައިނަލްމެޗްގެ ކުޅުން ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތު ބޭއްވުނެވެ.

މި މެޗުގެ މޮޅު ކުޅުންތެރިއަކަށް ހޮވިފައިވަނީ މި މެޗުގައި ޓޫބްރަދާސްއަށް 2 ގޯލު ކާމިޔާބުކޮށްދިން ފަރުހާދެވެ.

މިމުބާރާތުގެ އެންމެ މޮޅު ފަސް ކުޅުންތެރިންނަށް ހޮވިފައިވަނީ ޕޮލިސްޓީމުގެ ޝިފާޒު ، ޓޫބްރަދާސްގެ ފަރުހާދު ، ގައިސު އަދި މައުޝޫގުގެ އިތުރަށް ގައުމު ޖޫނިއާސްގެ ސަހާފްއެވެ.

މިމުބާރާތުގައި އެންމެ ގިނަ ގޯލްޖެހި ކުޅުންތެރިއަކަށް ގައުމު ޖޫނިއާސްގެ ރަޔަން ހޮވިފައިވާއިރު މިމުބާރާތުގެ ފެއާޕްލޭ ކުޅުންތެރިއަކަށް ހޮވިފައިވަނީ ގައުމު ޖޫނިއާސްގެ ޓެރީއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ރެފްރީގެ ނިންމުތަކާ ހިތްހަމަ ނުޖެހިގެން އެކަމުގެ ރުޅިގަޑު ރެފްރީއަށް އަމާޒުކޮށްފި

މަމެން އައްޑޫއިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ އުމުރުފުރާގައި އިއްޔެ ހަވީރު ކުޅެވުނު މެޗަށްފަހު  އަތޮޅުމަދަރުސާޓީމްގެ ...

އެންމެ މޮޅުފިރިހެން 6 ކުޅުންތެރީންގެ ތެރޭގައި މީދޫގެ 3 ކުޅުންތެރިއަކު ހިމެނިއްޖެ

އައްޑޫސިޓީ މީދޫ ދާއިރާގެ މަރަދޫފޭދޫ އައިލެންޑް ވޮއިސް އޮފް ޔޫތުން އިންތިޒާމްކޮށްގެން މަރަދޫފޭދޫ އަވަށުގައި ކުރިއަށް ގެންދިޔަ  ” ...

ހިތަދޫ އެފްސީ ޖޫނިއާސް އަތުން މީދޫޓީމަށް ފަސޭހަ މޮޅެއް

މިހާރު މީދޫގައި ކުރިއަށްދާ 20 އަހަރުން ދަށުގެ ” އައްޑޫ ޔޫތު ޗެލެންޖް ކަޕް 2020 ” ފުޓްބޯޅަ ...