ވޮލީބޯލް އެސޯސިއޭޝަން ކަޕްގެ ޗެމްޕިއަންކަން ދިވެހި ސިފައިންގެ ކްލަބުން ހޯދައިފިއެވެ.

ދިވެހި ސިފައިންގެ ކްލަބް މިމުބާރާތުގެ ޗެމްޕިއަންކަން ހޯދީ ރޭ ކުޅެވުނު ފައިނަލްމެޗްގައި  ޕޮލިސް ކްލަބް 3-2 ސެޓުން ބަލިކޮށްފައެވެ.

ޒުވާނުންގެ މަރުކަޒުގެ އެތެރެ ކޯޓުގައި ކުޅުނު ރޭ ކުޅެވުނު ފައިނަލްމެޗުގެ ފުރަތަމަ ސެޓު 25-17 އިން  ހޯދީ ސިފައިންގެ ކްލަބެވެ. އެހެންނަމަވެސް ދެވަނަސެޓް 25-17 އިން  ހޯދާފައިވަނީ ޕޮލިސް ކްލަބެވެ. 3 ވަނަ ސެޓް ވަރަށް ވާދަވެރި ކުޅުމަކަށްފަހު 29-27 އިން  ހޯދީ ދިވެހި ސިފައިންގެ ކްލަބެވެ. 4 ވަނަ ސެޓްވެސް ވާދަވެރި ކުޅުމަކަށްފަހު 25-22 އިން  ހޯދީ ޕޮލިސް ކްލަބެވެ.

ދިވެހިސައިންގެ ޓީމުގެ ކުޅުންތެރީންގެ ފަރާތުން މޮޅު ކުޅުމުމެއް ފެނިގެންދިޔަ ފަސްވަނަ ސެޓް  އެޓީމު ކާމިޔާބުކޮށްފައިވަނީ 15-7 އިންނެވެ.

ފައިނަލްމެޗްގެ ކުޅުން ނިމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތު ބޭއްވުނެވެ.

ފައިނަލްމެޗްގެ މޮޅުކުޅުންތެރިޔާގެ މަގާމާއި މުބާރާތުގެ އެންމެ މޮޅު ކުޅުންތެރިޔާގެ މަގާމް ލިބުނީ ސިފައިންގެ ކްލަބްގެ ލޯންގޭއަށެވެ. މުބާރާތުގެ އެންމެ އުއްމީދީ ކުޅުންތެރިޔަކަށް ހޮވުނީ  ހުޅުމާލެގެޓީމްގެ ރައްޒާން އެވެ.

މިމުބާރާތުގެ ޑްރީމް ޓީމުގައި ހިމެނުނު  ކުޅުންތެރީންނަކީ ޕޮލިސް ޓީމުގެ ހުޒާންޓޭ އާއި ޝުވައިބު އަދި  އަބްދުއްލަތީފާއި  މުހައްމަދު ނައީމްގެ އިތުރަށް  ސިފައިންގެ ކްލަބްގެ  ސެޓަރު ހުސެއިން ޝާހިދު (ޝާޑު)، ހުސެއިން ސައީދު (ސޭންޑީ) އާއި  ލޯންގޭ  އިތުރަށް ހުޅުމާލެ ސްޕޯޓްސް ކްލަބްގެ އިސްމާއިލް ސާޖިދު (ކުޑަކާއްޓެ) އެވެ.

މިމުބާރާތުގެ އެންމެ މޮޅު ކޯޗަކަށް ހޮވުނީ ސިފައިންގެ ކްލަބްގެ ކޯޗް މުމްތާޒެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޔޫރޯ 2020 : ސްލޮވޭކިޔާއިން އެޓީމުގެ ފުރަތަމަ މެޗް ކާމިޔާބުކޮށްފި

ޔޫރޯ 2020 ފުޓްބޯޅަ މުބާރާތުގައި ސްލޮވާކިއާ ކުޅުނު ފުރަތަމަމެޗް އެޓީމުން ކާމިޔާބުކޮށްފިއެވެ. މި މެޗު ސްލޮވާކިއާ އިން ކާމިޔާބުކުރީ ...

ހަގީގަތް އޮޅުވައެއް ނުލެވޭނެ، ރިލްވާންގެ އާއިލާއިން ކޯޓަށް ދިޔަސް ޖެހިލުމެއް ނުވޭ: އުމަރު

މިނިވަން ނޫހުގެ ނޫސްވެރިޔާ އަހުމަދު ރިލްވާންގެ އާއިލާއިން އޭނާއާ ދެކޮޅަށް ކޯޓަށް މައްސަލަ ހުށަހެޅި ނަމަވެސް، ޖެހިލުންވެ ވަޑައިނުގަންނަވާ ...

ތިނަދޫ މުދިމެއްގެ މެޔަށް ދަގަނޑެއް ހެރިގެން ހޮސްޕިޓަލްގެ އައިސީޔޫގައި ފަރުވާދޭން ފަށައިފި

ގދ. ތިނަދޫ މަސްޖިދުލް ޢަލީގެ މުދިމް އަހުމަދު ޝާތިރުގެ މެޔަށް ދަގަނޑެއް ހެރިގެން ޑރ. އަބްދުއްސަމަދު މެމޯރިއަލް ހޮސްޕިޓަލްގެ ...