މިއަދުވެސް ޝަމްސުއްދީން ސްކޫލްގެ ޓީމު ބޮޑުތަފާތަކުން ބަލިވެއްޖެ

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގައި މިއަދު މެންދުރު  ކުޅެވުނު 14 އަހަރުން ދަށުގެމެޗް ޝަރަފުއްދީން ސްކޫލް ކާމިޔާބުކޮށްފިއެވެ.

ހިތަދޫ ސްޓޭޑިއަމްގައި ކުޅެވުނު މިމެޗް ޝަރަފުއްދީން ސްކޫލް ކާމިޔާބުކޮށްފައިވަނީ ޝަމްސުއްދީން ސްކޫލްގެޓީމާ ވާދަކޮށް 6 ލަނޑު 0 ލަނޑުންނެވެ.

ޝަރަފުއްދީން ސްކޫލްގެ ފުރަތަމަ ލަނޑު 7 ވަނަ މިނިޓްގައި ޒާދު މުހައްމަދު ޚާލިދު ކާމިޔާބުކޮށްދީފައިވަނިކޮށް އެޓީމުގެ ދެވަނަ ލަނޑު 8 ވަނަ މިނިޓްގައި ކާމިޔާބުކޮށްދިނީ އިބްރާހިމް އާލަމް ނަސީމެވެ. ޝަރަފުއްދީން ސްކޫލްގެ ތިންވަ ލަނޑު 29 ވަނަ މިނިޓްގައި ކާމިޔާބުކޮށްދިނީ ހަސަން ޖައިޝަމެވެ.

ޝަރަފުއްދީން ސްކޫލްގެ ޓީމުގެ 4 ވަނަ ލަނޑުވެސް ކާމިޔާބުކޮށްދިނީވެސް އެޓީމުގެ 3 ވަނަ ލަނޑު ކާމިޔާބުކޮށްދިން ހަސަން ޖައިޝަމެވެ. އެޓީމުގެ ފަސްވަނަ ލަނޑު މެޗްގެ 38 ވަނަ މިނިޓްގައި އަހުމަދު މައިޝަން ޝާނީޒް ކާމިޔާބުކޮށްދީފައިވާއިރު  އެޓީމުގެ 6 ވަނަ ލަނޑު 58 ވަނަ މިނިޓްގައި ކާމިޔާބުކޮށްދިނީ އިބްރާހިމް އައިހަމް ވައްހާބެވެ.

މިމެޗުން ދެރަވި ޝަމްސުއްދީން ސްކޫލްގެ ޓީމު މީގެ ކުރީން މިމުބާރަތުގައި ކުޅުނުމެޗުންވެސް ބަލިވެފައިވަނީ 6 ލަނޑު 0 ލަނޑުންނެވެ.

މިމުބާރާތުގައި މިއަދު ހަވީރު ކުޅެވުނު 14 އަހަރުން ދަށުގެ އުމުރުފުރައިގެ 2 ވަނަ މެޗްގައި މަރަދޫ ސްކޫލާއި ފޭދޫ ސްކޫލް ބައްދަލުކުރިމެޗް ނިމިފައިވަނީ 2 ލަނޑު 2 ލަނޑުން އެއްވަރުވެގެންނެވެ.

މިމެޗްގައި ފުރަތަމަ ލަނޑުޖަހާ ކުރިހޯދީ ފޭދޫ ސްކޫލްގެ ޓީމެވެ. ފޭދޫ ސްކޫލްގެ މިލަނޑު މެޗްގެ 2 ވަނަ މިނިޓްގައި އަލީ ދަސޫފް ޝިޔާމް ކާމިޔާބުކޮށްދީފައިވަނިކޮށް މެޗްގެ 13 ވަނަ މިނިޓްގައި މަރަދޫ ސްކޫލްގެ ޓީމުން ނަތީޖާ ހަމަހަމަ ކޮށްފައިވަނީ މުހައްމަދު ތަމާން ޝާހިދު ކާމިޔާބުކޮށްދިން ލަނޑުންނެވެ.

މިމެޗްގައި މަރަދޫ ސްކޫލް ޓީމުގެ މުހައްމަދު ސިމްދު ސަމީއު 33 ވަނަ މިނިޓްގައި އެޓީމުގެ 2 ވަނަ ލަނޑު ކާމިޔާބުކޮށް މަރަދޫސްކޫލް ޓީމަށް މެޗްގެ ލީޑު ހޯދާދީފައިވަނިކޮށް ފޭދޫ ސްކޫލްގެ މުހައްމަދު އާއިޝް ޝަރީރުވަނީ 43 ވަނަ މިނިޓްގައި ލަނޑެއް ކާމިޔާބުކޮށް މެޗްގެ ނަތީޖާ 2-2 އަށް ބަދަލުކޮށްދީފައެވެ. އަދި މެޗް ނިމިގެން ދިޔައީވެސް ދެޓީމް 2 ލަނޑު 2 ލަނޑުން އެއްވަރުވެގެންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ލީގު ކަޕްގެ ތިންވަނަ ބުރުގައި ޗެލްސީއާއި ސިޓީގެ ކުރިމަތިލުމެއް

އިނގިރޭސި އެންމެ ޒަމާންވީ ފުޓްބޯޅަ މުބާރާތް، އެފްއޭ ކަޕްގެ ތިންވަނަ ބުރުގެ ގުރުއަތުލުމުގައި  ޗެލްސީއާއި މެންޗެސްޓާ ސިޓީ ވާދަކުރަން ...

ޔޫތު ޗެލެންޖް ކަޕް 2020- ފައިނަލްމެޗްގެ ކުޅުން މިއަދު ހަވީރު

މީދޫގައި ބާއްވަމުން އައި ޔޫތުޗެލެންޖް ކަޕް 2020 ފުޓްބޯޅަ މުބާރާތުގެ ފައިނަލްމެޗްގެ ކުޅުން މިއަދު ހަވީރު މީދޫ ފުޓްބޯޅަ ...

ގައުމު ސްޓްރީޓް ކަޕް : ރޭ ކުޅެވުނު ދެމެޗުންވެސް މީދޫ ދެޓީމް ބަލިވެއްޖެ

ގައުމު ސްޓްރީޓް ކަޕް ގައި ރޭ ކުޅެވުނު މެޗްތަކުން މީދޫގެ ދެޓީމްވެސް ބަލިވެއްޖެވެ. ރޭ 8:30 ގައި ކުޅެވުނު ...