ގެއްލުނު ދެކުދިން އަދިވެސް ނުފެނޭ- ދެ ކުދިން ހޯދުމަށް އެމްއެންޑީއެފުން ނައިޓް ވިޝަން ކެމެރާ ބޭނުން ކުރަން ފަށައިފި

އައްޑޫ ސިޓީ ހިތަދޫގެ ރީޖަނަލް ހޮސްޕިޓަލާއި ދިމާލު ފުއްޓަރު ސަރަހައްދަށމޫދަށް ގޮސް އުޅެނިކޮށް ގެއްލުނު ދެ ކުދިން ހޯދުމަށް އެމްއެންޑީއެފުން ނައިޓް ވިޝަން ކެމެރާ ބޭނުން ކުރަން ފަށައިފި އެވެ.

އެމްއެންޑީއެފްގެ އިންފޮމޭޝަން އޮފިސަރު އިބްރާހިމް އާޒިމް ވިދާޅުވީ ނައިޓް ވިޝަން ކެމެރާ ބޭނުން ކޮށްގެން ކޯސްޓްގާޑު އުޅަނދުތަކުން ހުއްޓުމެއް ނެތި މަސައްކަތް ކުރަމުންދާ ކަމަށެވެ. އަދި މިިރޭވެސް މެދުކަނޑާ ނުލާ ދެކުދިން ހޯދުމުގެ މަަސައްކަތް ކުރުމަށް ނިންމާފައިވާ ކަމަށެވެ.

މި ހާދިސާ ހިނގީ ތިން ކުއްޖަކު މޫދަށް އެރި އުޅެނިކޮށެވެ. އޭގެ ތެރެއިން އެއް ކުއްޖަކު ފެނިފައިވާ އިރު އޭނާއަށް ދަނީ ހިތަދޫ ރީޖަނަލް ހޮސްޕިޓަލުގައި ފަރުވާދެމުން ނެވެ. އެ ހޮސްޕިޓަލުން މީޑިއާގައި ބުނެފައިވަނީ ކުއްޖާގެ ހާލު ރަނގަޅު ކަމަށެވެ.

ގެއްލިގެން ހޯދަމުން ދަނީ ހިތަދޫ ޗަނބޭލީގޭ އަލީ ފަހުމީ އާއި ޓޮޕާޒް މަޔާމީން އަލީ އެވެ. މައުލޫމާތު ލިބިފައިވާގޮތުގައި އެ ކުދިން އެ ސަރަހައްދަށް މޫދަށް އެރުނު އިރުވެސް ސަރަހައްދުގެ އޮއިވަރު ވަރަށް ގަދަ އެވެ.

މި ދެ ކުދިން ހޯދުމަށް މިއަދު އެމްއެންޑީއެފުން ވަނީ ހެލިކޮޕްޓަރުވެސް ބޭނުންކޮށްފައި އެވެ. އެކަމަކު އަދި މިހާތަނަށް ކުދިންގެ އެއްވެސް ހިލަމެއް ވެފައެއް ނުވެ އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ކޮވިޑް ބަލީގައި 46 އަހަރުގެ އަންހެނަކު ނިޔާވެއްޖެ

ކޮވިޑް ބަލީގައި 46 އަހަރުގެ އަންހެނަކު ނިޔާވެއްޖެވެ. ހުޅުމާލޭ ކޯވިޑް ފެސިލިޓީގައި ފަރުވާ ދެމުންދިޔަ މިމީހާ ނިޔާވެފައިވަނީ ރޭ ...

ކްލަބްގެ ޕްލޭނާ އެއްގޮތައް އަންނަ ސީޒަނަށް ޓީމު ވަރުގަދަ ކުރާނެ- ބާސެލޯނާގެ ރައީސް

ކޮވިޑް19 ގެ ސަބަބުން ކުރިމަތި ވަމުންދާ މާލީ ގެއްލުންތަކުން އަރައިގަތުމަށް ކުޅުންތެރީންގެ މުސާރަ އުނިކުރިނަމަވެސް އަންނަ ސީޒަނުގައި ބާސެލޯނާ ...

ރެކޯޑް އަދަދަކަށް މިއަދު ދިވެހިން ކޮވިޑް 19 އަށް ޕޮޒިޓިވް ވެއްޖެ

މިދިޔަ 24 ގަޑިއިރު ތެރޭ 137 މީހަކު ކޮވިޑް 19 އަށް  ޕޮޒިޓިވްވެ، ރާއްޖޭގައި ކޮވިޑަށް ޕޮޒިޓިވްވީ މީހުންގެ ...