ބޮލީވުޑްގެ މަޝްހޫރު ފިލްމީ ތަރި، ސަލްމާން ހާން ފަސް އަހަރަށް ޖަލަށް ލާން ހުކުމް ކުރުމަށްފަހު ޖަލަށް ގެންގޮސްފިއެވެ.
ސަލްމާން ފަސް އަހަރަށް ޖަލަށް ލާން ހުކުމް ކޮށް ޖަލަށް ލާފައިވަނީ ހިމާޔަތް ކޮށްފައިވާ ދެ ފުއްލާއެއް މަރާލި މައްސަލައާ ގުޅިގެންނެވެ. ސަލްމާން ފަސް އަހަރަށް ޖަލަށް ލާން ހުކުމް ކޮށްފައިވާއިރު، އިންޑިއާގެ ޖޯދްޕޫރު ކޯޓުން ވަނީ ދިހަ ހާސް ރުޕީސް އިން އޭނާ ޖޫރިމަނާ ކުރަންވެސް ނިންމާފައެވެ.
މިކަން ހިނގާފައިވަނީ 1998 ވަނަ އަހަރު ފިލްމެއްގެ ޝޫޓިން އަށް އިންޑިއާގެ ރާޖަސްތާނުގައި ސަލްމާން ހުރިއިރު އެވެ. ހަމަ މި މައްސަލާގައި ސަލްމާންގެ މައްޗަށް މީގެ ކުރިން އެހެން ދައުވާއެއްވެސް ކޮށްފައިވެއެވެ. އެ ފަހަރު އޭނާގެ މައްޗަށް ކޮށްފައިވަނީ ފުއްލާ މަރާލުމަށް މަނާ ހަތިޔާރު ގެންގުޅުނު ކަމަށް ބުނެ ކުރި ދައުވާއެވެ. ނަމަވެސް ސާބިތު ކުރެވޭ ވަރަށް ހެކި ނެތުމުން ސަލްމާންގެ މައްޗަށް އެ ދައުވާ ސާބިތު ވެފައެއް ނުވެއެވެ. މި މައްސަލާގައި ސަލްމާންގެ އިތުރުން އިތުރު ތަރިން ތަކެއްގެ މައްޗަށްވެސް ވަނީ ދައުވާ އުފުލާފައެވެ. ނަަމަވެސް އެއިން އެއްވެސް މީހެއްގެ މައްޗަށް މިކަން ސާބިތު ވެފައެއް ނުވެއެވެ.
މިކަމާ ގުޅިގެން ސަލްމާންގެ ފޭނުން އަންނަނީ ސޯޝަލް މީޑިއާގައި ހިޔާލުފާޅުކޮށް، ސަލްމާން މިނިވަން ކުރުމަށް ގޮވާލަމުންނެވެ
ކޮމެންޓްސް (0)