މާލެ އާއި ހުޅުލެ ގުޅުވައިދޭ ބްރިޖު އެޅިއިރު އެތައް ރައްޔިތުންނެއް މުއްސަނދި ވެގެންދިޔަ ގޮތަށް ހުޅުމީދޫއާއި ހިތަދޫ ބްރިޖު މަޝްރޫއާއެކު އައްޑޫ ސިޓީގެ ރައްޔިތުން މުއްސަނދި ވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެވެ.
ރައީސް މުއިއްޒު މިހެން ވިދާޅުވީ މަރަދޫ އަދި މަރަދޫފޭދޫގެ ރައްޔިތުންނާއެކު މިއަދު ހަވީރު ބޭއްވި ބައްދަލުވުމުގައި ވާހަކަފުޅުދައްކަވަމުންނެވެ.
މިބައްދަލުވުމުގައި އިތުރަށް ވާހަކަފުޅުދައްކަވަމުން ރައީސް ޑރ. މުހައްމަދު މުއިއްޒު ވިދާޅުވީ މި ސަރުކާރުން ލޯނު ނަގައިގެން ހިންގާނީ ރައްޔިތުންގެ ޖީބަށް އަދި ކުދި ވިޔަފާރިތަކަށް ވެސް ފައިދާވާނެ ފަދަ މަޝްރޫއުތައް ކަމަށެވެ.
ހުޅުމީދޫއާއި ހިތަދުއާއި ދެމެދު އެޅުމަށް ހަމަޖެހިފައިވާ ބްރިޖު މަޝްރޫއުގެ ޕްރިލިމިނަރީ ޑިޒައިނާއި ސާވޭ މަސައްކަތުގެ އެއްބަސްވުމުގައި މިރޭ ސޮއިކުރުމަށް ހަމަޖެހިފައިވާއިރު މިމަސައްކަތް ހަވާލުކުރުމަށް ހަމަޖެހިފައި ވަނީ މިސްރުގެ ދަ އަރަބް ކޮންޓްރެކްޓާސް ކުންފުންޏާ އެވެ.
މަރަދޫ އަދި މަރަދޫފޭދޫގެ ރައްޔިތުންނާއެކު މިއަދު ހަވީރު ބޭއްވި ބައްދަލުވުމުގައި ވާހަކަފުޅުދައްކަވަމުން ރައީސް އިތުރަށް ވިދާޅުވީ އައްޑޫ ބްރިޖްގެ ޑިޒައިނާއި ސާވޭ މަސައްކަތް މިސްރުގެ ކުންފުނިން ކޮށްދެނީ ހިލޭ އެހީގެ ދަށުން ކަމަށާއި އަދި ބްރިޖުގެ މަސައްކަތް މިއަހަރުތެރޭ ފެށިގެންދާނެ ކަމަށެވެ.
މީގެ އިތުރަށް ރައީސް ވިދާޅުވީ އައްޑޫގެ އެއާޕޯޓް މަސައްކަތާއި، ޓޫރިޒަމްގެ މަސައްކަތާއި، ސީ ޕްލޭން ހަބާއެކީ އައްޑޫ ރައްޔިތުން ބޭނުންވާ ގޮތަށް އައްޑޫ އަށް ތަރައްގީ މިދައުރުގައި ހާސިލުކޮށްދެއްވާނެ ކަމަށެވެ.
އައްޑޫގެ އެއާޕޯޓް މަސައްކަތާއި، ޓޫރިޒަމްގެ މަސައްކަތާއި، ސީ ޕްލޭން ހަބާއެކީ އައްޑޫ ރައްޔިތުން ބޭނުންވާ ގޮތަށް އައްޑޫ އަށް ތަރައްގީ މިދައުރުގައި ހާސިލުކޮށްދެއްވާނަން
ރައީސް ޑރ. މުހައްމަދު މުއިއްޒު
އައްޑޫ ބްރިޖުގެ މަޝްރޫއަކީ ރައީސް މުއިއްޒުގެ ރިޔާސީ ވައުދެކެވެ.
advertisement
ކޮމެންޓްސް (0)