ފަހަތުން އަރައި ޗެލްސީ ބަލިކޮށް، އިނގިރޭސި ލީގު ކަޕުގެ ފައިނަލަށް އާސެނަލް ދަތުރުކޮށްފި

ފަހަތުން އަރައި ޗެލްސީ ބަލިކޮށް، އިނގިރޭސި ލީގު ކަޕުގެ ފައިނަލަށް އާސެނަލް ދަތުރުކޮށްފިއެވެ.

މުބާރާތުގެ ފައިނަލްގައި އާސެނަލްއާ ދެކޮޅަށް ނުކުންނާނީ އިނގިރޭސި ޕްރެމިއާ ލީގުގެ ކުރީގައި ތަފާތު ބޮޑު އޮތް މެންޗެސްޓާ ސިޓީއެވެ. ރޭގެ މެޗުގައި އެޑެން ހަޒާޑް ލަނޑު ޖަހާފައިވަނިކޮށް އާސެނަލްގެ ފުރަތަމަ ލަނޑަކީ ޗެލްސީގެ ޑިފެންޑަރު ރުޑިގާގެ އަތުން ބައިކޮޅަށް ވަންލަނޑެކެވެ. އާސެނަލް މޮޅުކޮށްދިނީ ގްރަނިޗް ޒަކާ ފަހު ހާފުގައި ޖަހައިދިން ގޯލުންނެވެ.

މެޗަށް ފަހު އާސެނަލްގެ ކޯޗު އާސެން ވެންގާ ބުނީ ޓީމުގެ މުހިންމު ކުޅުންތެރިއަކު ވިއްކާލުމަށްފަހު ވަރުގަދަ ޓީމަކާ ދެކޮޅަށް ހޯދުނީ ވަރަށް ރަނގަޅު ކާމިޔާބީއެއް ކަމަށެވެ. ފޯވަޑް އެލެކްސިސް ސަންޗޭޒް މެންޗެސްޓާ ޔުނައިޓެޑަށް ބަދަލުވުމުން އޭނާ ވަނީ އާސެނަލްގެ ޗޭންޖިންރޫމުގައި ހުރި އުދާސްތައް ފިލައިފިކަމަށް އިޝާރާތްކޮށްފައެވެ. ދެ ޓީމުގެ ކޯޗުން ވެސް ރޭގެ މެޗަށް ފަހު ވަނީ ކުޅުމާމެދު ހިތްހަމަޖެހުން ފާޅުކޮށްފައެވެ.

ޗެލްސީގެ ކޯޗު އެންޓޯނިއޯ ކޮންޓޭ ބުނީ އޭނާގެ ޓީމު ކެޓީ ނަސީބު ދެރަކަމުން ކަމަށާއި، ކުޅުންތެރިން ކުރި ހިތްވަރަށް ސާބަސް ހައްޤު ކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޕްރިމިއާލީގުގެ ކުޅުންތެރީންގެ މުސާރަ ކުޑަކުރަން އެއްބަސް ނުވުމަށް ޕީއެފްއޭ އިން ކުޅުންތެރީންނަށް އިރުޝާދު ދީފި

އިގިރޭސި ޕްރިމިއާލީގުގެ ކުޅުންތެރީންގެ މުސާރަ ކުޑަކުރުމަށް ކުލަބްތަކުން ހުށަހެޅިނަމަވެސް އެގޮތައް އެއްބަސް ނުވާން ޕްރޮފެޝަނަލް ފުޓްބޯލް އެސޯސިއޭޝަން “ޕީއެފްއޭ” ...

ކްލަބް ވޯލްޑް ކަޕްގެ ޗެމްޕިއަންކަން ރެއާލްމެޑްރިޑް ހޯދައިފި

ކްލަބް ވޯލްޑް ކަޕްގެ ޗެމްޕިއަންކަން ރެއާލްމެޑްރިޑް ހޯދައިފިއެވެ. ރެއާލްމެޑްރިޑް ކްލަބް ވޯލްޑް ކަޕްގެ ޗެމްޕިއަންކަންހޯދީ ރޭ ކުޅެވުނު  ފައިނަލުގައި ...

ޔޫރޯ 2020 : ރޭ ކުޅެވުނު 3 މެޗް ކާމިޔާބުކުރީ ރަޝިޔާ ، ވޭލްސް އަދި އިޓަލީ

ޔޫރޯ ފުޓްބޯޅަ މުބާރާތުގައި ރޭ ފިންލެންޑް އަތުން މޮޅުވެ، ރަޝިއާއިން މުބާރާތުގެ 2 ވަނަ ބުރުން ޖާގަ ހޯދުމުގެ ...