ގއ އަދި ގދ ގައި އާރްޓީއެލް ހައި ސްޕީޑް ފެރީގެ ހިދުމަތް ފަށައިފިއެވެ.
ޒޯން ފަހެއްގައި ހިމެނޭ ހުވަދު އަތޮޅުގައި ބުރާސްފަތި ދުވަހު މި ހިދުމަތް ފަށާފައިވާއިރު ފުރަތަމަ ހަފްތާގައި މި ހިދުމަށް އެއްވެސް ފީއެއް ނުނަގާނެ ކަމަށް އެމްޓީސީސީ އިން ބުނެއެވެ.
ގއ އަދި ގދ ގައި އާރްޓީއެލްގެ ހިދުމަތް ފެށުން
ހިލޭ މި ހިދުމަތް ދޭ ހަފްތާއަކީ ފެރީ ޝެޑއިުލަށް ކަސްޓަމަރުން އަހުލުވެރިކުރުވާ އެ ހިދުމަތް ރަނގަޅަށް ތަޖުރިބާ ކުރުމަށް ކަމަށް އެމްޓީސީސީން ބުނެއެވެ. އަދި ކަސްޓަމަރުންގެ ހިޔާލާއި އެއްގޮތަށް ހިދުމަތް އިތުރަށް ރަނގަޅު ކުރުމަށް ކަމަަށްވެސް އެ ކުންފުނިން ބުނެއެވެ.
ބުރާސްފަތި ދުވަހުން ފެށިގެން ގއ އަދި ގދ އަތޮޅުގައި ހަފްތާއަކު ހަތް ދުވަހު އާރްޓީއެލް ފެރީގެ ހިދުމަތް ލިބޭނެއެވެ. މި ހިދުމަތަށް އެ ދެ އަތޮޅުގައި 6 ފެރީ ބޭނުން ކުރާނެ އެވެ.
ގއ އަދި ގދ ގައި އާރްޓީއެލްގެ ހިދުމަތް ފެށުން
އާރްޓީއެލް ފެރީތަކަކީ ޖުމްލަ 50 ފަސިންޖަރުންނަށް އަރާމުކަމާއެކު ދަތުރުކޮށްލެވޭ ގޮތަށް ފަރުމާކޮށްފައިވާ އެއާކޮންޑިޝަން އުޅަނދުތަކެކެވެ. އަދި އާރްޓީއެލް އުޅަނދުތަކުގެ ކައްޕިންނާއި ފަޅުވެރިންނަކީ މި މަސައްކަތަށް ބޭނުންވާ ހާއްސަ ތަމްރީނުތައް ފުރިހަމަކޮށްފައިވާ މުވައްޒަފުންތަކެކެވެ. މި އުޅަނދުތަކުގައި ހާއްސައެހީއަށް ބޭނުންވާ ފަރާތްތަކަށް ހާއްސަކުރެވިފައިވާ ވީލްޗެއަރ ސްޕޭސް އާއި ސްޓްރެކްޗަރ ސްޕޭސް ހުންނާނެއެވެ.
ރާއްޖޭގައި ދަތުރުފަތުރުގެ ޚިދުމަތް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން، އެމްޓީސީސީގެ އަމާޒަކީ އެކަށީގެންވާ އަގުގައި ލުއިފަސޭހަކަމާއެކު ބޭނުންކުރެވޭ، ކަނޑާއި އެއްގަމުގެ ދަތުރުފަތުރުގެ ޚިދުމަތެއް ރައްޔިތުންނަށް ފޯރުކޮށްދޭ ކުންފުންޏެއްޖެ ގޮތުގައި ދެމިތިބުމެވެ.
ކޮމެންޓްސް (0)