ސްޕެއިންގެ މެޑްރިޑްގައި ފިޓޫރުގެ ނަމުގައި ކުރިއަށް ގެންދިޔަ ބައިނަލްއަގްވާމީ ޓޫރިޒަމް ޓްރޭޑް ފެއާގައި ރާއްޖެއިން ބައިވެރިވެއްޖެއެވެ.

މި ފެއާގައި ދިވެހިރާއްޖެ ތަމްސީލުކުރުމަށްޓަކައި މޯލްޑިވްސް މާކެޓިން އެންޑް ޕީއާރު ކޯޕަރޭޝަނާއެކު ޓޫރިޒަމް ދާއިރާގައި ހަރަކާތްތެރިވާ 22 ކުންފުންޏަކުން 38 ފަރާތެއް ވަނީ ބައިވެރިވެފައެވެ.

މި މަހުގެ 17 ވަނަ ދުވަހުން ފެށިގެން 21 ވަނަ ދުވަހުގެ ނިޔަލަށް ކުރިއަށްދާ މި ފެއާގައި ރާއްޖެ އިޝްތިހާރު ކުރުމަށް ލިބިފައިވަނީ 71 އަކަފޫޓުގެ ސްޓޭންޑެކެވެ. އެ ސްޓޭންޑުގައި ޖުމްލަ 22 ކައުންޓަރު ގާއިމުކޮށްފައިވާ ކަމަށާއި އެ ސްޓޭންޑުގައި ބައްދަލުވުންތައް ބޭއްވޭނެ އިންތިޒާމު ވެސް ހަމަޖެހިފައިވާ ކަމަށް އެމްއެމްޕީއާރުސީން މައުލޫމާތު ދެއެވެ.

ފިޓޫރުގެ ފުރަތަމަ ތިން ދުވަސް ޓްރޭޑް ވިޒިޓަރުންނަށް ޚާއްސަކޮށްފައިވާއިރު، ފެއާގެ ފަހު ދެ ދުވަހު އާންމުންނަށް ވެސް އެ ފެއާއަށް ވަނުމުގެ ފުރުސަތު ހުޅުވާލާނެއެވެ.

މި ފެއާއަކީ ސްޕޭނުގެ މާކެޓަށް ޚާއްސަކޮށްގެން ބާއްވާ ފެއާއެއް ނަމަވެސް، މި ފެއާގެ ތެރެއިން ފަތުރުވެރިކަމުގެ ދާއިރާގައި ހަރަކާތްތެރިވާ އެހެނިހެން އިސް ފަރާތްތަކާ ބައްދަލު ކުރެވޭނެ ކަމަށް އެމްއެމްޕީއާރުސީން މައުލޫމާތު ދެއެވެ.

މި ފެއާގައި ބައިވެރިވުމުގެ މައިގަނޑު އެއް މަގްސަދަކީ ސްޕޭނުގެ ފަތުރުވެރިންގެ މެދުގައި ރާއްޖެ އިޝްތިހާރު ކުރުން ކަމަށްވާއިރު، މިދިޔަ އަހަރުގެ ނޮވެމްބަރު މަހުގެ ނިޔަލަށް އެގައުމުން ރާއްޖެއަށް ޒިޔާރަތްކުރި ފަތުރުވެރިންގެ އަދަދު އަހަރުން އަހަރަށް ބަލާއިރު 9.2 އިންސައްތަ ވަނީ އިތުރުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ކަރަންޓް ކިތަންމެ ގިނައިން ބޭނުންކުރިއަސް ބިލް ބޮޑުނުވާގޮތަށް ރޭޓެއް ކަނޑައަޅާނަން: ރައީސް

ކަރަންޓް ކިތަންމެ ވަރަކަށް ބޭނުންކުރިޔަސް ފީގެ ރޭޓު ބޮޑުނުވާނެ ގޮތަކަށް ފްލެޓް ރޭޓެއް ކަނޑައަޅައި ލުޔެއް ހޯއްދަވައިދެއްވާނެކަމަށް ރައީސުލްޖުމްހޫރިއްޔާ ...

އައްޑޫ ޕޮލިސް އެކެޑަމީއަށް އެއް އަހަރުފުރުން ފާހަގަކޮށްފި

އައްޑޫ ސިޓީގައި ހުންނަ ނޭޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމަންޓް (އެންސިޕޯލް) އަށް އެއް އަހަރު ...

އިލްޔާސް ގެ ކެމްޕޭން ހަރަކާތް ތައް މަލޭގައި ވަނީ ފަށާފި

އަންނަ މަހު އޮންނަ އިންތިހާބުގައި ވާދަކުރައްވާ ދަ ޑިމޮކްރެޓްސްގެ ރިޔާސީ ކެންޑިޑޭޓް، އިލްޔާސް ލަބީބު، މާލޭގައި ދޮރުންދިރަށް ކެމްޕެއިން ...