އިންޑިއާގެ މަރުކަޒީ ބޭންކު، ރިޒާވް ބެންކު އޮފް އިންޑިއާ އާއި ރާއްޖޭގެ މަރުކަޒީ ބޭންކު، އެމްއެމްއޭއާ ދެމެދު 200 މިލިއަން ޑޮލަރުގެ ކަރަންސީ ސްވޮޕް އެގްރިމެންޓެއްގައި މިއަދު ސޮއިކޮށްފިއެވެ.
މި އެއްބަސްވުމުގެ މައިގަނޑު މަގްސަދަކީ ކުރު މުއްދަތުގައި ރާއްޖެއަށް ބޭނުންވާ ބޭރު ފައިސާ ލިބޭނެ ގޮތް ހަމަޖެއްސުމެވެ.
އިންޑިއާގެ މަރުކަޒީ ބޭންކުން ބުނީ މި އެއްބަސްވުމުގެ ދަށުން 200 މިލިއަން ޑޮލަރާ ހަމައަށް އެކި ފަހަރު މަތިން ފައިސާ ނެގުމުގެ އިހުތިޔާރު އެމްއެމްއޭއަށް ލިބޭނެކަމަށެވެ.
މިއީ ރާއްޖޭގެ ބޭރު ފައިސާގެ ރިޒާވް ރަނގަޅުކުރުމަށް ޤާއިމްކުރި އެއްބަސްވުމެއްކަމަށް އިންޑިއާގެ މަރުކަޒީ ބޭންކުން މިއަދު ނެރުނު ބަޔާނެއްގަައި ބުނެފައި ވެއެވެ.
އިންޑިއާގެ މަރުކަޒީ ބޭންކާއި، އެމްއެމްއޭއާ ދެމެދު 200 މިލިއަން ޑޮލަރުގެ ކަރަންސީ ސްވޮޕް އެގްރިމެންޓެއްގައި މިއަދު ސޮއި ކޮށްފައިވާއިރު އިންޑިއާ ސަރުކާރުން ވަނީ މިދިޔަ ހަފްތާގައި ރާއްޖެއަށް 100 މިލިއަން ޑޮލަރުގެ ލޯނެއް ބަޖެޓް ސްޕޯޓުގެ ގޮތުގައި ހަމަޖައްސައިދީފައެވެ.
ކޮމެންޓްސް (0)