ހުޅުދޫ ހެލްޕިންގ ސޯޝަލް ކެއާ އިން އިންތިޒާމުކޮށްގެން ހުޅުދޫގައި ބާއްވާ ނެޓްބޯޅަ މުބާރާތް ” އައްޑޫސިޓީ ރަސްރަނި ނެޓްބޯޅަ ޗެލެންޖް 2022″ މާދަމާ ހަވީރު ފަށަން ނިންމައިފި އެވެ.
ހުޅުދޫ ޓާފް ދަނޑުގައި ކުރިއަށްގެންދަން ހަމަޖެހިފައިވާ މިމުބާރާތުގައި 6 ޓީމަކުން ބައިވެރިވެފައިވާއިރު މިމުބާރާތް ފެށުމުގެ ގޮތުން ކުޅެވޭ ފުރަތަމަމެޗްގައި ބައްދަލުކުރާނީ ވޮރިއަސް އާއި ކްލަބް އެމްޓީސީއެވެ
ދެ ގުރޫޕަކަށް ބަހާލައިގެން ކުޅުމަށް ހަމަޖެހިފައިވާ މިމުބާރާތުގައި ބައިވެރިވެފައިވާ ޓީމުތަކަކީ މީދޫ ވޮރިއަސް، ކްލަބް އެމްޓީސީސީ ، ޓީމްފެނަކަ، ޓީމްމިފްކޯ، ހުޅުމީދޫހެލްތުސެންޓަރ އަދި ހުޅުދޫޔޫތު އެވެ
2012 ވަނަ އަހަރު ހުޅުދޫގައި ބޭއްވުނު ނެޓްބޯޅަ މެޗެއްގެ ތެރެއިން ނެގިފައިވާ ފޮޓޯއެއް
މިމަހުގެ 11 ން 20 އަށް ކުރިއަށްދާ މިމުބާރާތުގެ ގްރޫޕް ސްޓޭޖްގެ މެޗްތައް 14 ވަނަ ދުވަހާއި ހަމައަށް ކުރިއަށް ގެންދިއުމަށް ހަމަޖެހިފައިވާއިރު ޕްލޭ އޮފްގެ ނަމުގައި 15 ވަނަ ދުވަހު ކުޅެވޭ ފުރަތަމަ މެޗްގައި ބައްދަލުކުރުމަށް ހަމަޖެހިފައިވަނީ ގްރޫޕް އޭގެ ދެވަނަޓީމާއި ގްރޫޕްބީގެ ތިންވަނަ ޓީމެވެ. ޕްލޭއޮފްގެ ނަމުގައި ކުޅެވޭ ދެވަނަމެޗްގައި ބައްދަލުކުރާނީ ގްރޫޕްއޭގެ ތިންވަނަޓީމާއި ގްރޫޕްބީގެ ދެވަނަޓީމެވެ.
މީގެ އިތުރަށް ސެމީފައިނަލްގެ މެޗްތައް 16 ވަނަދުވަހު ކުރިއަށް ގެންދިއުމަށް ހަމަޖެހިފައިވާއިރު ސެމީފައިނަލްގެ ފުރަތަމަ މެޗްގައި ބައްދަލުކުރުމަށް ހަމަޖެހިފައިވަނީ ގްރޫޕްއޭއިން ޕޮއިންޓްގެ ގޮތުން 1 ވަނައަށް ހޮވޭޓީމާއި ޕްލޭ އޮފްގެ ފުރަތަމަމެޗުން މޮޅުވާޓީމެވެ.
ސެމީފައިނަލްގެ ދެވަނަމެޗްގައި ބައްދަލުކުރާނީ ގްރޫޕްބީން ޕޮއިންޓްގެ ގޮތުން 1 ވަނައަށް ހޮވޭޓީމާއި ޕްލޭ އޮފްގެ ދެވަނަ މެޗުން މޮޅުވާޓީމެވެ.
މިމުބާރާތުގެ ފައިނަލް ކުޅުމަށް ވަނީ މިމަހުގެ 20 ވަނަ ދުވަހު އެވެ.
މިމުބާރާތަކީ ޗެމްޕިއަން ޓީމަށް 10 ހާސް ރުފިޔާ ރަނައަޕް ޓީމަށް 5000ރ ދޭގޮތައް ބާއްވާ މުބާރާތެކެވެ.
ކޮމެންޓްސް (0)