ނަޝީދުގެ ވެރިކަމުގައި ޤައުމަށް ނުރައްކާތެރި 3 ހާލަތެއް ކުރިމަތިވި- މިނިސްޓަރ ނާޒިމް

ޤައުމެއްގެ ޙަޔާތުގައި ކުރިމަތިވާނެ އެންމެ ނުރައްކާތެރި ތިން ޙާލަތު ރާއްޖެއަށް ކުރިމަތިވީ ކުރީގެ ރައީސް މުޙައްމަދު ނަޝީދުގެ ވެރިކަމުގައި ކަމަށް ހެލްތު މިނިސްޓަރ ޢަބްދުﷲ ނާޒިމް އިބްރާހިމް ވިދާޅުވެއްޖެއެވެ.

ޕީޕީއެމްގެ ރުމާލު ދޭއް ޖަގަހާގައި ވާހަކަދައްކަވަމުން މިނިސްޓަރ ނާޒިމް ވިދާޅުވީ ރައީސް ނަޝީދުގެ ވެރިކަމުގައި ޤައުމުގެ އިސްތިގްލާލާ މެދު ސުވާލު އުފެދިގެން ދިޔަކަމަށެވެ. އަދި ޤައުމުގެ މާލީ ޙާލަތުވެސް އިންތިހާއަށް ދަށްވެގެން ދިޔަ ކަމަށާއި އިސްލާމް މާއްދާއަކީ ސްކޫލުތަކުގައި ކިޔަވާދޭނެ މާއްދާއެއްތޯ ނުވަތަ ނޫންތޯ އެ މަޢުޝޫއަށްވެސް ބަހުސް ކުރެވިގެން ދިޔައީ ރައީސް ނަޝީދުގެ ވެރިކަމުގައި ކަމަށް މިނިސްޓަރ ނާޒިމް ވިދާޅުވިއެވެ.

މިނިސްޓަރ ނާޒިމް ވިދާޅުވީ ރައީސް ޢަބްދުﷲ ޔާމީން މިއަދު ރާއްޖެއަށް ގެންނަމުންދާ ތަރައްޤީއަށް އިދިކޮޅު ބައެއް ލީޑަރުން ފާޑުކިޔަމުން އަންނަ ކަމަށެވެ. ނަމަވެސް އެ ލީޑަރުންނަކީ މިއަދު ރާއްޖެއަށް ރައީސް ޔާމީން ގެންނަމުންދާ ތަރައްޤީއާ މެދު ފާޑުކިޔަން ރަނގަޅު ބައެއް ނޫން ކަމަށާއި އެ ލީޑަރުން އެފަދައިން ފާޑުވިދާޅުވާން މިއަދު ލަދުގަންނަންޖެހޭނެ ކަމަށް މިނިސްޓަރ ނާޒިމް ވިދާޅުވިއެވެ. އެގޮތުން އެމަނިކުފާނުވަނީ ބައެއް މިސާލުތައް ދައްކަވާފައެވެ. މިނިސްޓަރ ނާޒިމް ވިދާޅުވީ މިއަދު ރާއްޖޭގެ ސިއްޙީ ދާއިރާއަށް އަންނަމުންދާ ތަރައްގީއަށް އެކަނި ބަލާލިއަސް ރާއްޖެއަށް ބޮޑެތި ބަދަލުތަކެއް އަންނަމުންދާކަން ރައްޔިތުން ގަބޫލުކުރަމުން އަންނަ ކަމަށެވެ. އެގޮތުން ވިދާޅުވީ ރާއްޖޭގެ ސިއްޙީ ދާއިރާއަށް ސަރުކާޜުން ކުރާ ޚަރަދު މިއަދު 130 ގުނަ އިތުރުވެފައިވާ ކަމަށެވެ.

ރޭ ރުމާލުދޭ ޖަގަހައިގައި ބޭއްވި ބައްދަލުވުމުގައި ރައްޔިތުންގެ މަޖިލީހުގެ ބައެއް މެމްބަރުންނާއި ޕީޕީއެމްގެ ބައެއް އާންމު މެމްބަރުންވެސް ވަނީ ވާހަކަދައްކަވާފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ރައީސް ނަޝީދު މިއަދު ނޫސްވެރިންނާ ބައްދަލުކުރައްވަނީ

އެމްޑީޕީގެ ރައީސް، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ނޫސްވެރިންނާ ބައްދަލުކުރަށްވަން ނިންމަވައިފައިފިއެވެ. އެމްޑީޕީން ހާމަކޮށްފައިވާގޮތުން ...

އިންޑިއާގެ ކެރެލާއިން ޓީޗަރުން ގެންނަން ޖެހުނީ ދިވެހިން ނުލިބުމުން: އެޑިއުކޭޝަން މިނިސްޓްރީ

އިންޑިއާގެ ކެރެލާއިން ޓީޗަރުން ގެންނަން ޖެހުނީ ދިވެހި ޓީޗަރުން ހޯދުމަށް ތަކުރާރުކޮށް އިއުލާންކުރުމުންވެސް އެކަމަށް އިޖާބަނުލިބުމުން ކަމަށް އެޑިއުކޭޝަން ...

ހައިކޯޓުގެ ފަނޑިޔާރު ރައޫފު އާއި ހަމީދު އެ މަގާމުން ވަކިކުރަން ނިންމައިފި

ހައިކޯޓުގެ ފަނޑިޔާރު ކަމުގައި ހުންނެވި ފަނޑިޔާރު އަބްދުލްރައޫފް އިބްރާހިމާއި ފަނޑިޔާރު ހަމީދު ފަނޑިޔާރުކަމުގެ މަގާމުން ވަކި ކުރުމަށް ޖުޑީޝަލް ...