ބާސެލޯނާ ބަލިކޮށް އެތުލެޓިކޯ މެޑްރިޑް ޕޮއިންޓް ޓޭބަލްގެ އެއްވަނައަށް ޖެހިލައިފި

ސްޕެނިޝް ލީގުގައި އެތުލެޓިކޯ މެޑްރިޑާއި ބާސެލޯނާ ބައްދަލުކޮށް ކުޅުނުމެޗު އެތުލެޓިކޯ މެޑްރިޑްކާމިޔާބުކޮށްފިއެވެ.

އެތުލެޓިކޯ މެޑްރިޑް ދަނޑުގައި ރޭ ކުޅެވުނު މިމެޗް އެޓީމް ކާމިޔާބުކޮށްފައިވަނީ 1 ލަނޑު 0 ލަނޑުންނެވެ. މިމެޗްގައި އެތުލެޓިކޯ މެޑްރިޑުން ކާމިޔާބުކުރި ލަނޑު އެޓީމުން ކާމިޔާބުކޮށްފައިވަނީ ފުރަތަމަ ހާފްގެއިތުރުގަޑީގެ ގޮތުގައި ކުޅެވުނު 3 މިނިޓްގެ ތެރޭގައެވެ.

މިމެޗުން ބާސެލޯނާ ބަލިވުމުން އެޓީމް ލީގުގައި ކުޅުނު 8 މެޗުން 11 ޕޮއިންޓް ލިބިގެން ޕޮއިންޓް ޓޭބަލުން އެޓީމަށް ލިބެނީ 10 ވަނަމަގާމެވެ،

ސްޕެނިޝް ލީގުގެ ޕޮއިންޓް ޓޭބަލަށް ބަލާއިރު 9 މެޗުން 20 ޕޮއިންޓްލިބިފައިވާ ރެއަލްސޮސީޑާއާއި 8 މެޗުން 20 ޕޮއިންޓް ލިބިފައިވާ އެތުލެޓިކޯ މެޑްރިޑަށް ޕޮއިންޓް ޓޭބަލްގެ އެއްވަނަ ލިބޭއިރު 10 މެޗުން 19 ޕޮއިންޓް ލިބިގެން ވިލަރެއާލްއަށް ޕޮއިންޓް ޓޭބަލްގެ 3 ވަނަ ލިބޭއިރު 9 މެޗުން 17 ޕޮއިންޓް ލިބިގެން ރެއާލްމެޑްރިޑަށް ޕޮއިންޓް ޓޭބަލުން ލިބެނީ 4 ވަނަ މަގާމެވެ.