އައްޑޫސިޓީ ހުޅުދޫގައި ހޯމް ކަރަންޓީންގައި ހުރި މީހަކު ކޮވިޑަށް ޕޮޒިޓިވްވެއްޖެ އެވެ.
ހުޅުމީދޫ ސިއްހީމަރުކަޒުގެ ބޭފުޅަކު ވީއޯއެމްއަށް މައުލޫމާތު ދެއްވަމުން ވިދާޅުވީ، ޕޮޒިޓިވްވެފައި ވަނީ ބަންގްލަދޭޝް ރައްޔިތެއް ކަމަށެވެ.
އޭނާ ކޮވިޑަށް ޕޮޒިޓިވްވިކަން އެނގުނީ، ކަރަންޓީންގެ 14 ދުވަސް ހަމަވެގެން ކުރި ޓެސްޓުންނެވެ.
“ސާދަ ދުވަސް ހަމަވެގެން އިއްޔެ ހެނދުނު ނެގި ސާމްޕަލް ޕޮޒިޓިވްވި ކަމަށް އައްޑޫ އިކުއެޓޯރިއަލް ހޮސްޕިޓަލްވަނީ އަންގާފައި،” ސިއްހީ މަރުކަޒުން މައުލޫމާތު ދެއްވި ބޭފުޅާ ވިދާޅުވި އެވެ.
” އެ މީހާ ކަރަންޓީންކޮށްފައި ވަނީ ވަކި ގެއެއްގައި އޭނާ އެކަނި . އޭނާއާ އެއްވެސް މީހަކު ބައްދަލުވެފައި ވާކަމުގެ މައުލޫމާތު ލިބިފައެއްނެތް ، އެކަން މިހާރު ދަނީ ބަލަމުން. ” ސިއްހީ މަރުކަޒުން މައުލޫމާތު ދެއްވި ބޭފުޅާ ވިދާޅުވި އެވެ.
މިއީ ހުޅުދޫން ކޮވިޑް19 އަށް މީހަކު ކޮވިޑަށް ޕޮޒިޓިވި ފުރަތަމަ ފަހަރެވެ.
މާލެއިން ރަށްރަށަށް ދާ މީހުން 14 ދުވަހަށް ހޯމް ކަރަންޓިން ކުރެ އެވެ. އަދި އެ މީހަކު ދޫކޮށްލަނީ، ކަރަންޓީންގެ މުއްދަތު ހަމަވެ، ކޮވިޑަށް ހަދާ ޓެސްޓުގެ ނަތީޖާ ނެގެޓިވްވުމުންނެވެ.
ކޮމެންޓްސް (0)