ގައުމު އެފްސީން އިންތިޒާމުކޮށްގެން މީދޫގައި ބާއްވާ “ގައުމު ސްޓްރީޓް ކަޕް” ފުޓްބޯޅަ މުބާރާތުގެ މިއަދު ހަވީރު ކުޅުނުމެޗް އެފްސީ ބީރިކަނާ ކާމިޔާބުކޮށްފިއެވެ.
އައްޑޫސިޓީ މީދޫގައި މިހާރު ކުރިއަށްދާ މިމުބާރާތުގެ މިއަދުގެ މެޗް އެފްސީ ބީރިކަނާ ކާމިޔާބު ކޮށްފައިވަނީ މީދޫ އެފްސީ ގަންބުރިއާއި ބައްދަލުކޮށް 1 ލަނޑު 0 ލަނޑުންނެވެ. މިމެޗުން ބީރިކަނާ މޮޅުވުމުން އެޓީމު މިމުބާރާތުގައި ކުޅުނު ދެމެޗުންވެސް މޮޅުވެ 6 ޕޮއިންޓް ވަނީ ލިބިފައެވެ.
މިމެޗުން ދެރަވި އެފްސީ ގަންބުރި މިމުބާރާތުގައި ޗެލެންޖާސްއާއި ބައްދަލުކޮށް ކުޅުނު މެޗުންވެސް 2 ލަނޑު 1 ލަނޑުން ބަލިވެފައިވާތީ އެޓީމަށް ދެމެޗު ކުޅެގެން ޕޮއިންޓެއް ލިބިފައެއް ނުވެއެވެ.
މިމެޗްގައި ބީރިކަނާއިން ކާމިޔާބުކުރި ހަމައެކަނި ލަނޑު ފުރަތަމަ ހާފްގައި ކާމިޔާބުކޮށްދީފައިވަނީ އެޓީމުގެ ހޫދުއެވެ. މިމެޗް 1 ލަނޑު 0 ލަނޑުން ބީރިކަނާ ކާމިޔާބުކުރިއަސް މިމެޗުގައި ގިނަވަގުތު ބޯޅަ ހިފަހައްޓައިގެން މޮޅަށް ކުޅެފައި ވަނީ އެފްސީ ގަންބުރި ޓީމުންނެވެ.
5 ޓީމް ހިމެނޭ ގްރޫޕް އޭ ގައި މިއަދު ހަވީރު ކުޅެވުނު މެޗަށް ފަހު ޕޮއންޓްގެ ގޮތުން އެއްވަނާގައި އޮތީ 2 ކުޅެގެން 2 މެޗުން މޮޅުވެ 6 ޕޮއިންޓް ލިބިފައިވާ ޗެލެންޖާސްއާއި ބީރިކަނާއެވެ.
ކޮމެންޓްސް (0)